[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’IPPO mabulig patuman anti-overloading ordinance ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Bangod sang kadakuon sang probinsya sang Iloilo, gin-aku sang gobernador nga indi masarangan sang Task Force Overloading ang pagbantay sa mga trak nga nagabayolar sa anti-overloading ordinance.
Bangod sini, nagalaum si Gob. Arthur Defensor Sr. nga magbulig ang Iloilo Police Provincial Office (IPPO) ilabi na ang mga istasyon sang pulis sa mga kabanwahanan tungod nga otorisado man sila sa pagpatuman sang anti-overloading ordinance.
“Ang aton mga kapulisan otorisado na ina sila kay kon i-salig sa task force, sa kadaku-daku sang probinsya sang Iloilo. Indi ta na mabantayan tanan. So, while sige-sige ang kampanya sang task force, the policemen all over the province especially the municipal they are authorized to apprehend sa violation sang aton overloading,” sabat ni Defensor sa pamangkot sang mga katapo sang media kon bala may tawo nga nagatutok sa ordinansa tion sang weekend kasunod man sang obserbasyon nga madamo sang nagahingalit nga mga trak kon wala sang opisina.
Matandaan nga gintukod ni Defensor ang Task Force Overloading para mapunggan nga maguba ang mga provincial roads bangod sang overloaded nga cargo trucks kag iban pa nga mga salakyan.
Sa idalom sang ordinansa, ginadumili ang paglabay sa provincial roads sa Iloilo sang six-wheeler trucks nga nagarkaga sang masobra sa 16,880 kilograms (kgs), ten-wheeler trucks nga nagakarga sang masobra 27,250 kgs kag six-wheeler trucks ukon ten-wheeler trucks nga nagakarga sang masobra sa 13,500 kgs.
Nagbakal man gani ang gobyerno probinsyal sang portable weighbridge nga gamiton sang Task Force Overloading sa pagdeterminar sang kabug-aton sang karga sang trak para mabal-an kon nagabayolar ini sang ordinansa./PB
[/av_textblock]
[/av_one_full]