[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NOVIE ONDICE Ika-8 nga gua’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”][/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Kaupod sa mga ginlamon sang nagabukal nga kalayo amo ang organista nga si Señor Villareal, ang mga baka sang mga Mucho, kag si Padre Francisco Jedeliz nga ang ulihi nga mga tinaga amo ang: “Impyerno! Impyerno! Impyerno!”
Gindilapan sang nagabaga nga asupre ang tanan nga dalanon sa Baryo Matalinga. Nag-untat lang ang kalayo sa atubangan sang simbahan.
Nabilin nga luwas sa sulod sang Simbahan ni San Miguel Arkanghel sanday Sebastian, Ariel, ang organ-kawayan, kag ilisipon nga mga pamilya nga wala sang nadalaganan sa tion sang trahedya.
Sila ang liwat nga nagtukod sang bag-ong Matalinga.
*
Samtang ginasaulog sang bug-os nga Pilipinas ang sentenyal sang pungsod sadtong 1998, ginkasubo naman sang mga taga-Nueva Matalinga ang pagkamatay ni Novie Ondice. Nagtungtong lang sa edad nga isa ka gatos si Novie—sang Setyembre 11, 1998, kag nalag-utan ini sang ginhawa.
Kasunod sang pagtaliwan ni Novie, nasayran ang isa sa pinakamakatalanhaga nga hitabu—isa ka misteryo—sa aton makabag-o nga panahon. Gikan saPanay News, petsa Setyembre 21, 1998, pinanid B-12, ikalima nga kubay, ginbalita:
Bato sang Matalinga, nadula?
Nagkinagamo ang mga pumuluyo sang Baryo Nueva Matalinga, banwa sang Mariit, tungod sa makatilingala nga pagkadula sang daku nga puting-bato nga korte-talinga halin sa sapa sa tiilan sang Bulkan Matalinga.
Ang pinasahi nga bato nga ginabulubanta-banta nga may takus 3.5 x 4 x 6 metros, kag bug-at ang indi magkubos sa nueve toneladas, una nga natalupangdan nga nadula pagkatapos ginlubong ang bantog nga organista nga produkto sang Matalinga, si Novie Ondice, sadtong nagligad nga semana.
Talalupangdon nga si anhing Ondice nagtukar para sa kasal ni anay-Pangulong Ferdinand kag anay-Unang Ginang Imelda Marcos sang Mayo 1, 1954 sa Pro-Katedral ni San Miguel didto sa Manila. Magluwas nga bantog bilang organista, ginkilala man si Ondice bilang isa sa mga idiot savants nga gintun-an ni L. K. Miller para sa iya libro “Musical Savants: Explaining the Enigma.”
Suno kay Ariel Loredo, 98 años, kag suod nga abyan sang nagtaliwan nga organista, namunuhan kuno sadto ni Ondice nga ang puti nga bato nga ginakabig nga “mata kag talinga sang langit” amo ang iya pagagamiton nga sakayan pakadto sa langit. Nagapati si Loredo nga gintuman lamang ni Ondice ang iya panaad.
Gilayon naman nga ginpanginwala kag ginpawalay-sapayan sang mga pinuno opisyal sang Baryo Nueva Matalinga kag sang banwa sang Mariit ang panuaron ni Loredo. Apang wala man sila sang paathag o teoriya nahanungod sa pagkadula sang tumalagsahon nga bato.
Ang sugilanon nga “Novie Ondice” ni Peter Solis Nery ginsulat antes pa ang 2004. Nakaangkun man ini sang iban nga tig-ulo kasubong abi “Matalinga.” Para sa iban pa nga sinulatan ni G. Nery, visitahi ang iya website: www.petersolisnery.com. Madamu gid nga salamat.
[/av_textblock]
[/av_one_full]
