[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Motor vs pickup: 1 pilason ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Pilason ang drayber sang motorsiklo matapos nga nakabunggo sa Nissan Frontier pickup sa circumferential road sa Brgy. Tacas, Jaro alas-11 sang aga kahapon.
Gindala sa West Visayas State University Medical Center ang biktima nga si Arnor Lastimoso Jr., 20, residente sang Centennial Homes, Brgy. Alta Tierra Village, Jaro, nga may mga samad sa tuo nga tuhod, butkon, kag nawong.
Wala naman nasamaran ang drayber sang pickup nga si Marvin Cuarte, 33, kag residente sang Bo. Obrero, Lapuz.
Sandig sa report sang kapulisan, halin si Cuarte sa Brgy. Sambag, Jaro kag mapadulong na sa ila sa Lapuz sang nagluntad ang aksidente.
Sa interbyu naman kay Cuarte, ginhambal niya nga tuyo sia mag-overtake sa ten-wheeler truck kag wala niya nakit-an ang motor.
“Nag-attempt ko overtake sang ten-wheeler, ti ang ten-wheeler naglapaw man sa linya. Ginkabig ko man (ang manibela para indi mabunggo) kay kung wala ko naglikaw, masuhot ko sa truck. Wala ko nakita ang single nga motor. Igo ko siya makita ara na sa lapit,” eksplikar ni Cuarte./PB
[/av_textblock]
[/av_one_full]
