[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Balay sang kapitan nakuhaan mga pusil ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nakumpiskar sang Criminal Investigation and Detection Group (CIDG) 6 ang mga armas sa ginsalakay nila nga balay sang barangay kapitan sa Sitio Little Janiuay, Brgy. Cubay, Jaro alas-cinco sang aga kahapon.
Bitbit ang search warrant sa pagbayolar sang RA 10591 ukon Comprehensive Firearms and Ammunition Regulation Act nga gin-aplay sang CIDG-6 sa pagpamuno ni Senior Supt. Marlon Tayaba kay Judge Loida Diestro-Maputol sang Regional Trial Court, 6th Judicial Region Branch 28, ginsulod sang mga otoridad ang balay ni Rasty Jacelo Jablo, bana ni kapitan Noemi Jablo sang Brgy. Desamparados, Jaro.
Pero wala didto ang subject kag si Kapitan Jablo lang ang ila naabtan. Narekober diri sang mga pulis ang caliber 45 pistol, 12 GA homemade shotgun, M16 riffle, iban pa nga mga pusil nga wala pa na-determinar, kag mga bala.
Ginapasuni naman ni Kapitan Jablo nga planted ang mga pusil bangod nga gin-turnover na ang pusil sang iya bana sadto sa Jaro PNP bangod expired na ang lisensya.
Sunu pa diri nga yara na ang iya bana sa Manila. Naglakat ini didto antes pa man gintiro-patay ang utod sini nga si Carcar Jablo sang Okt. 8.
Pero ining alegasyon sang kapitan ginpanginwala ni Jacinto sa paghambal nga nakit-an mismo sang mga katapo sang media nga naka-akto sang ila operasyon nga narekober nila ang kalibre .45 sa basurahan.
“Yon ang allegation nila, yong license firearms. How about yong mga unlicensed firearms na na-report, yon ang narekober natin,” siling pa ni Jacinto.
Nag-gwa man sa intelligence report sang CIDG-6 nga may yara sang indi lisensyado nga mga pusil nga ginahuptan ang bana sang kapitan nga gina-subject gani sa pagsekyar sang ila mga tinawo antes ang nasambit nga operasyon.
“Nakuha sa ating intelligence report na may mga unlicensed firearms na tini-test nila liban sa licensed sa nakaraan mga araw,” dugang ni Jacinto.
Nagapati pa ini nga posible gintago sang pamilya ang 12 gauge shot gun nga isa sa mga subject sa search warrant bangod mga bala lamang sini ang ila narekober.
Matapos naman ang pagsalakay sa balay ni Jablo, ginsalakay man sang CIDG-6 ang balay sang karelasyon ni Bonifacio Prevendido Gregori Jr. sa Brgy. Navais, Mandurriao.
Bitbit ang search warrant nga gin-isyu ni Judge Gloria Madero, first vice-executive judge sang Regional Trial Court 6 Branch 29, nagpadulong ang operatiba sa nasambit nga balay.
Nakumpiskar nila ang caliber .45 pistol, homemade 12 gauge shotgun, iban pa nga mga armas nga wala pa ma-determinar, kag mga bala.
Si Gregori ang hinablos sang lider sang Prevendido drug group nga si Richard Prevendido kag bata ni barangay kapitan ni Remia Prevendido Gregori sang Brgy. Bakhaw, Mandurriao./PB
[/av_textblock]
[/av_one_full]
