[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LIDER SANG PREVENDIDO GROUP TIKLO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nangin madanlog man sa mga mata sang mga otoridad, pero alas-sais kahapon sang aga nadakpan na gid man ang isa sa mga ginapasuni lider sang Prevendido drug group kag bata sang barangay kapitan sang Brgy. Bakhaw, Mandurriao sa buy-bust operation sa nabukid nga bahin sang Brgy. Camandagan, Tobias Fornier, Antique.
Paagi sa gintingob nga puersa sang Philippine Drug Enforcement Agency (PDEA) 6, Criminal Investigation and Detection Group (CIDG) kag Tobias Fornier PNP, nadakpan si Bonie Gregori y Prevendido, bata ni Kapitan Remia Gregori kag hinablos naman ni Richard Prevendido nga lider sang Prevendido drug group.
Upod man sini nga nadakpan ang walo ka iban pa nga sanday:
* Glen Pedrajas y Rapado
* Robert Pedrajas y Gregori
* Aquilino Pedrajas Jr.
* Argie Elman y Laxinto
* Johnny Rapado y Jenzola
* Crisanto y Fernandez
* Jonafe Tabio y Roberts, kag
* Aquilino Pedrajas III.
Sunu sa PDEA-6, nabaklan nila sang balor P5,000 nga ginapasuni shabu ang subject sa operasyon nga si B. Gregori.
Nakuha man sa paghinakop sang grupo ang ginabanta 60 ka gramo sang gina-alegar shabu nga ginalakipan sang isa ka daku nga heat-sealed plastic sachet, apat ka medium heat-sealed plastic sachets isa ka gamay nga heat-sealed plastic sachet, kag isa ka elongated heat-sealad transparent plastic sachet, kag buy-bust money.
Antes ang operasyon, target na sang mga otoridad nga dakpon si B. Gregori matapos nga matunog ang pangalan sini sa pagbaligya sang ilegal nga droga.
Si B. Gregori ang ginakilala sang PDEA-6 nga isa sa mga lider sang Prevendido drug group nga responsable sa pagbaligya sang ilegal nga droga nga naka-base sa Brgy. Bakhaw.
“Si Richard although siya yung leader (parang) figure head lang si Richard Prevendido eh, but si Bonie talaga ang utak at finance,” sunu kay PDEA-6 assistant Regional Director Levi Ortiz.
Nahibaluan pa nga ginsalakay na ang balay ni B. Gregori sa Brgy. Bakhaw sadtong Okt. 21 sang mga otoridad pero nakapalagyo ini.
Narekober sadto sa iya balay ang 19 ka gagmay nga plastic sachets kag isa ka bulto sang ginapatihan shabu.
Sa interbyu naman sang mga katapo sang media sa isa sa mga arestado nga si Pedrajas nga nag-bakasyon lamang sia sa Antique kag indi niya kilala si B. Gregori.
Ang mga suspek priso na subong sa karsel sang PDEA-6 matapos nga gin-biyahe dayon sila padulong sa Syudad sang Iloilo kahapon upod ang puersa sang Special Weapons and Tactics team nga nagserbe nga back-up./PB
[/av_textblock]
[/av_one_full]
