[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 KA DUROGISTA GINPATAY SA MOLO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Asud-asod ang pagsalakay sang riding-in-tandem kahapon kon sa diin napatay nila ang duha ka ginapasuni mga durogista sa magkatuhay nga mga lugar sa distrito sang Molo diri.
Alas-6:02 sang aga kahapon, ginsalakay sang mga suspek nga sakay sa wala sang plaka nga motorsiklo si Mark Mallon y Suria alyas Mak-mak, 35, sang Barangay South San Jose, Molo.
Sa pag-imbestigar sang Molo PNP sa pagpamuno ni Senior Inspector Mark Cordero, nagapungko sa atubang sang karsada ang biktima nga wala sang pang-ibabaw nga panapton samtang nagapangape sang naglabay ang riding-in-tandem kag basta na lamang ini gintiro gamit ang 9mm caliber pistol.
Tatlo ka mga pilas sa lawas ang naangkon sang biktima rason nga gindeklarar nga dead-on-arrival sa Iloilo Doctors’ Hospital.
Sandig naman sa kuha sang closed-circuit television camera sang barangay, nakit-an nga nagasakay sa motorsiklo ang duha ka mga suspek kon sa diin ang back rider amo ang nagtiro sa biktima.
Ginlaragway naman ang triggerman nga nagasuksok sang pantalon, blue nga jacket kag naka-helmet samtang ang drayber nagasuksok sang duag grey nga jacket, short, naka-tennis, naka-helmet sang puti, kag may bag sa iya atubang.
Nakit-an man ang biktima nga nagbugno pa sa isa ka lalaki nga naga-bisekleta kag sang nakalumbos ang naulihi, diri kag nagtuhaw ang riding-in-tandem.
Sa interbyu sang mga katapo sang media kay barangay kapitan Eliezer Villanueva, kumpirmado nga nadala sa ila Barangay Anti-Drug Abuse Council (BADAC) report si Mallon bangod nga naga-gamit ini sang ilegal nga droga.
“Kaagi na sia priso sa utang sa Koreano sa Diversion. Ti, daw pila ka beses nga nadakpan sa hold-ap. Diri sa amon barangay, gina-aku ya man nga nga user sang illegal nga droga. Amo na nga sang nag-tokhang to, ginlista ko gid na sia sa BADAC report. Gusto ko man magkambyo na sia that’s why ginpa-tokhang ko sa pulis galing subong lang sia nagpa-rehab. Ti, amo pa ni ang nadangtan,” kumpirmar sang kapitan.
Kumpirmado man nga nagserbe ang biktima sadto nga personal nga drayber ni Atty. Edeljulio Romero nga abogado sang nagtaliwan nga mag-asawa nga Melvin “Boyet” kag Meriam Odicta kag runner ni Rolando Torpio alyas Apa kag Striker nga nagsungka naman sa korte bangod sa kahangwa sa iya seguridad.
Ginkumpirmar man ni Cordero nga high-value target No. 2 sang Molo PNP si Mallon.
Ginatan-aw naman sang hepe nga motibo sang krimen amo ang pagsungka ni Mallon sa kapulisan sang ginpa-idalom sa Oplan Tokhang.
“May posibilidad nga ang pagsungka niya sa Oplan Tokhang amo ang nag-trigger. I-check naton kon grupo niya ang nagtira sa iya kay mga tawo man sia nga ginpang-devolve sa amon nga behind man sang drug activity dira sa area,” sunu kay Cordero.
Wala man sini ginadula ang posibilidad nga pulis ang may kahimuan sa krimen pero sa iya istasyon sa Molo, sigurado sia nga wala sila sang kahilabtanan.
Sa pihak nga bahin, pag-abot sang alas-7:10 sang aga kahapon, ginpatay man sang riding-in-tandem ang manogbaligya sang isda nga isa ka drug surenderee sa Imperial Subdivision, Brgy. North Fundidor, Molo.
Dead-on-arrival sa The Medical City si Leonel Capanang alyas Negro, 26, sang Brgy. Dulonan, Arevalo, nga may pilas sa lawas.
Sa imbestigasyon sang Molo PNP, nagabaligya sang iya isda nga ginakarga sa traysikad ang biktima sang ginlabayan sang mga suspek nga naga-motorsiklo kag gintiro gamit ang kalibre .45 nga pusil.
Anum ka mga lupok ang nabatian sang mga residente sa lugar nga amo ang rason nga nagtumpilak gid ang biktima sang gintiro.
Nadiskubrehan nga si Capanang naka-agi sungka sa Oplan Tokhang sang Arevalo PNP, sandig sa kumpirmasyon ni kapitan Editha Casilio sang Brgy. Dulonan, Arevalo. Sunu pa diri nga matunog man ang pangalan sang biktima nga nagaduso sang ilegal nga droga.
“Daw dala na sia sa amon drug list. User/pusher na ang iya category pero grabe gid ang akon patawag sa iya, hambal sa iya nga untatan ya ang iya aktibidad kay indi na mayo. Dala na sia sa tokhang,” siling ni Casilio.
Antes man ginpatay si Capanang, may nagapangita na nga mga persona sa iya sa ila barangay apang nataboan nga naglibod ini sang isda.
Narekober naman sa ginluntaran sang krimen ang anum ka mga basiyo sang nasambit nga armas luthang./PB
[/av_textblock]
[/av_one_full]
