[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bangkay sang lalaki nasapwan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala na sang kabuhi sang nasapwan ang isa ka lalaki nga ginapatihan ginlamposan sang matig-a nga bagay sa ulo sa Sitio Nabalas, Brgy. Culasi, Ajuy, Iloilo alas-8:30 sang aga kahapon.
Ginkilala ang biktima kay Rolly Consular, legal ang edad, kag tumandok sang Dumangas, Iloilo.
Sa impormasyon nga ginhatag sa Panay Balita ni Chief Inspector Charlie Sustento, hepe sang Ajuy Municipal Police Station (MPS), ginpahibalo lamang sila ni kapitan Fernando Libiano nga may nasapwan nga bangkay sang lalaki sa Sitio Nabalas.
Nagresponder man dayon ang tropa ni Sustento sa lugar kag sa ila imbestigasyon, natukiban nga alas-10 sang gab-i sang Domingo, sanday Consular kag ang ginatudlo suspek nga si Ramy Mabulac sang Brgy. Culasi, Ajuy ang naga-inom-inom.
Sang nahubog na, nagbaisay sila rason nga napikon ang suspek kag nagkuha sang matig-a nga bagay kag ginlampos sa ulo sang biktima rason sang kamatayon sini.
Nadiskubrehan man dugang nga wala dayon ginpahibalo sang pamilya sang biktima sa kapulisan ang krimen bangod sa kahadlok nga patyon sila sang suspek.
Narekober sa ginluntaran sang krimen ang 12 gauge shot gun nga may mga bala.
Samtang ginasulat ini nga balita, padayun pa ang hot pursuit operation sang Ajuy MPS kontra sa suspek./PB
[/av_textblock]
[/av_one_full]
