[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’207 tokhang surrenderees nag- gradwar sa rehabilitasyon’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Friday January 13, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Nag-gradwar na sa ila anum ka bulan nga rehabilitation program ang 207 ka mga tokhang surrenderees sang syudad.
Ini sila amo ang una nga batch sang nagpa-idalom sa maid-id nga rehabilitasyon sa idalom sang Community Change Center (CCC) sa pito ka mga distrito sang syudad.
Sunu kay Iloilo City Health Officer Dr. Bernard Caspe, ang 207 ka mga surrenderees amo ang nakapasar sa criteria sang CCC gani ginhatagan sila sang certificate.
“Nag-agi ni sila sa rigid nga screening antes ginpanahugotan nga maka-graduate. May iban nga wala naka-kumpleto, iban positibo sa drug test gani sugod naman sila sa puno,” kumpirmasyon ni Caspe.
Ginkumpirmar naman ni Mayor Jed Patrick Mabilog nga may nakahanda na nga ikaduha nga hugnat sang rehabilitasyon. Pasalig sang alkalde nga magapadayun ang programa samtang may ara sang drug surrenderees sa syudad.
“Mapadayun ang aton programa. Ang iban nga district may lista na sang bag-o nga batch. Mapadayun ini tubtob nga may ara kita record nga surrenderees,” pasalig pa ni Mabilog.
Samtang nakahanda naman ang livelihood programs kag trainings sang mga surrenderees sa Technical Institute of Iloilo. Ginpahayag sang alkalde nga may koordinasyon man sila sa TESDA nga amo ang magahatag sang scholarships kag trainings.
“We will provide them with trainings and livelihood assistance. Depende na lang ina sa ila hilig,” sunu kay Mabilog.
Ginpasalig man ni Caspe nga magapadayun ang ila after care sa mga graduates agud masigurado nga indi sila magbalik sa ila bisyo.
“Dapat mareport na sila bisan once a week lang sa aton center. Padayun man ang surprise drug test sa ila,” dugang pa niya./PB
[/av_textblock]
[/av_one_full]
