[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MOTOR VS KAHOY: MAGNOBYA PATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Tuesday, January 17, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Ginbawian sang kabuhi ang magnobya makaligad nga nakabunggo ang ginasakyan nila nga motorsiklo sa puno sang paho alas- 6:30 sa aga sang Domingo sa crossing sa Barangay Aguisan, Syudad sang Himamaylan, Negros Occidental.
Sunu kay Inspector Raymundo Franco, deputy police chief sang Himamaylan City PNP, nakilala ang duha nga amo sanday Jayvan Calderon, 20, sang Brgy. Santol, Binalbagan kag Aira Siatita Amores, 18, taga-Sitio Punta Talaban, Brgy. Talaban sa amo man nga syudad.
Sakay ang magnobya sa Suzuki Raider 155 gikan sa Syudad sang Kabankalan sa diin nagtambong sila sa disperas sang Sinulog 2017 sang Sabado sang gab-i kag posible mapauli na sa Binalbagan sang na-aksidente.
Nakita lamang sang ulihi ang ila bangkay sang mga barangay tanod nga naga-roving sa lugar.
Sunu kay Franco, wala man sang kontra nga iban nga salakyan kag sa iya pagpati nga natulogan si Calderon kag wala naman ma-alerto sadyon sang nobya ang iya nobyo.
Posible man, dugang sang opisyal, nga madasig ang padalagan sang motorsiklo.
Wala man sang nakita nga “foul play” ang kapulisan sa kamatayon sang duha pero ang pamilya sang mga biktima nagahinyo sang dugang nga imbestigasyon sa hitabo.
Ginpanugyanan man sang pulis ang pamilya sang magnobya nga ipa-autopsy ang mga bangkay./PB
[/av_textblock]
[/av_one_full]
