[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Hold-aper dakop, nakuhaan shabu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Monday, February 13, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Na-aresto ang isa sa tatlo ka ginapasuni mga hold-aper nga nagapangbiktima sang lending collectors sa Barangay Calumangan, Syudad sang Bago, Negros Occidental sang tinalikdan nga Sabado.
Ginkilala ni Superintendent David Cachumbo Jr., hepe sang Bago City PNP, ang suspek nga si Almer Magapat, legal ang edad kag taga-Purok Bagong Buhay, Brgy. Pandanon, Murcia.
Nakapalagyo naman ang duha niya ka upod matapos nga naglinagsanay sila sang nagapatrolya nga mga pulis.
Antes ini, ang tatlo nagahulat sang ila biktimahon apang ang mga pumoluyo na-alerto na kontra sa ila kag gilayon sila nga ginreport sa mga pulis.
Tion sang linagsanay, nakapalupok pa sang pusil ang isa sa duha ka nakapalagyo samtang si Magapat naman ang nakibon sang mga otoridad. Sang ginrikisa ini, nakuha sa iya ang tatlo ka pinutos sa plastik sang ginapasuni shabu.
Sunu sa Bago City PNP, ang mga suspek ang ginatudlo nagapangbiktima sang mga lending collectors sa lugar kag sang Pebrero 10, may ginhold-ap man sila sa Brgy. Ma-ao, Syudad sang Bago.
Priso na subong sa Bago City PNP si Magapat kag pasakaan sang mga kaso nga paglubag sang RA 9165 kag pagpanghold-ap./PB
[/av_textblock]
[/av_one_full]
