[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’AWAY SA LUPA: 1 PATAY, 4 PILASON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Monday, February 13, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Bangod sa away sa lupa, patay ang isa ka lalaki samtang apat naman ang nasamaran sa Barangay Culilang, President Roxas, Capiz alas-4:30 sang hapon sang Sabado.
Dead-on-arrival sa pinakamalapit nga ospital si Orlando Eslana, legal ang edad kag benepisyaryo sang Comprehensive Agrarian Reform Program (CARP) matapos nga nakaagom sang pilas sa ulo tuga sang pagtiro.
Ginabulong naman sa Western Visayas Medical Center sa sining syudad ang mga upod ni Eslana nga sanday Melinda Arroyo, Ana Bucana, Nida Amo, kag Adel Vergara nga nakaagom sang samad sa lawas matapos nga ginpangtiro.
Base sa imbestigasyon sang Capiz Police Provincial Office (CPPO), ginkakas sang grupo ni barangay kapitan Ferdinand Bacanto, administrador sang duta ni Nemesio Tan, ang ginpangbutang nga kudal nga kawayan sang mga biktima sa duta.
Nagbalos man ang grupo nanday Amo paagi kay Eslana nga nagsaka sa trailer tractor kag ginhana nga lab-on si kagawad Leopoldo Lachica.
Sang nakit-an sang bata ni Lachica ang natabo, ginsagang sini si Eslana rason nga nasamaran man sia sa natuo nga kamot.
Sunod sini, nabatian na ang asud-asod nga mga lupok sang pusil kag sang nagtahaw na, duguon na ang mga biktima.
Sunu naman sa alegasyon ni Atty. Cecille Maquiran sa interbyu sang Bombo Radyo Roxas, abogado sang mga biktima, ang isa sa mga suspek nga nagluthang sa mga biktima amo si Jun Bacanto, manghod ni kapitan Bacanto.
Gina-alegar man ni Maquiran nga upod ni Bacanto sa pagpangluthang sanday alyas Vega kag Dodong Lachica.
Nadiskubrehan nga may madugay na nga tensyon sa tunga sa mga mangungoma nga naga-uyat sang Certificate of Land Ownership Award kag sa kampo ni kapitan Bacanto. Ina bangod ginapanindugan sang mga mangungoma nga sila na ang nagapanag-iya sang 170 ka ektarya nga duta sang pamilya Tan nga ginsakop sa CARP apang padayun sa gihapon ini nga ginahawiran sang kampo ni Bacanto.
Bangod naman sining hitabo, gilayon nga nagpadulong sa President Roxas ang deputy director sang Capiz Police Provincial Office nga si Supt. Giovanni Musico para pamunoan ang imbestigasyon sa krimen./PB
[/av_textblock]
[/av_one_full]
