[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’CALL CENTER AGENT GINHOLD-AP KAG GINLUGOS’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Friday, March 3, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Matapos ginhold-ap, ginhimuslan pa ang isa ka call center agent sang duha ka suspek mga alas-tres sang kaagahon sang nagligad nga Miyerkoles sa maligwin nga lugar sa isa ka barangay diri.
Sunu sa Police Station 7, ang biktima nga ginahinago sa ngalan nga Inday naga-edad sang 26 anyos, may bana kag duha ka kabataan.
Sunu sa kapulisan, nagabantay sang traysikol ang biktima kag ginpaparahan pa sang iya bana mga alas-dos sang aga para magsakay ang biktima padulong sa iya gina-obrahan.
Sang makasakay na ang biktima, gilayon man nga naglakat sa pagpauli ang iya bana kag wala sini madiparahan kon ano ang mga palatandaan sang traysikol luwas gid lamang nga may backrider ang drayber sini.
Ginapahayag pa nga nagliko ang traysikol sa Bangga Cory apisar nga ang ulobrahan sang biktima nga call center didto pa sa kalye sang Hernaez kag Lacson.
Nagpanaog man dayon ang drayber agud magpangihi samtang ang upod sini nagpungko sa tupad sang biktima kag gintayaan ini sang armas kag patalom. Ginkuha sini sunod ang cellphone kag bag nga may sulod nga kwarta sang biktima.
Gindala dayon sang mga suspek ang biktima sa maligwin nga duog sang isa ka subdibisyon kag didto ginhimuslan. Sang ulihi, ila lang nga ginbilin ang biktima sa Panaad Park and Sports Stadium kag gilayon sila nga nalagyo.
Sunu naman sa bana ni Inday, naluoy gid sia sa nadangtan sang iya asawa samtang kainit naman ang iya ginabatyag sa duha ka suspek.
Siling naman ni Chief Inspector Charles Gever, hepe sang Police Station 7, may natumod na sila nga mga suspek.
Kag kahapon naman sang hapon, nadakpan na ang isa sa duha ka suspek nga naglugos sa biktima. Positibo man ini sia nga ginkilala sang biktima.
Pero hugot nga ginpanginwala sang suspek nga si Virgilio Villaflor, 42, sang Brgy. Minoyan, Murcia, nga sia ang naghold-pa kag naghimulos sa biktima./PB
[/av_textblock]
[/av_one_full]
