[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lider sang crime group dakop’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Friday, March 3, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Arestado ang ginapasuni lider sang masupog nga grupo sa sur nga bahin sang Negros Occidental sang nagtingob puersa nga Cauayan PNP kag Police Station 8 mga alas-nueve ang takna sang Miyerkoles sang aga sa Bangga Aning, Barangay Pahanocoy diri.
Ginkilala ang suspek nga si Ritching Pagunsaran Villanueva, 35, kag taga-Purok 5, Brgy. Baclao, Cauayan.
Sunu kay Chief Inspector Ruben Pajarito, hepe sang Cauayan PNP, gindakop nila ang suspek paagi sa arrest warrant nga ginlagdaan ni Judge Rodney Magbanua sang Regional Trial Court, Branch 61 sa Syudad sang Kabankalan nga may petsa Hunyo 16, 2016 para sa kaso nga attempted murder kag may piyansa nga P120,000.
Nahibaluan pa nga nagabantay sang salakyan si Villanueva para magpadulong sa iya obra sang madakpan sang mga pulis.
Si Villanueva ang ginapahayag lider sang Ritching Villanueva Crime Group nga notoryus sa mga kaso nga akyat-bahay, hold-ap kag pamatay san bahin sang Syudad sang Sipalay kag kabukiran sang Cauayan, lakip na sa banwa sang Ilog.
Nabudlayan man ang kapulisan sa pahdakop sa iya bangod nag-ilis sia sang iya ngalan samtang ara sa Syudad sang Bacolod nga nagatrabaho sa sulod sang walo na ka bulan./PB
[/av_textblock]
[/av_one_full]
