[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
ALCOHOL, mas makatalagam kun ipaanggid sa tanan nga klase sang ilegal nga droga.
Suno sa isa ka article nga ginbalhag sang SoberNation.com mas madamo ang ginapatay sang alcohol bisan ipaanggid mo pa sa gintingub nga numero sang naggamit sang tanan nga droga.
Kun pamati-an lang natun ang war on drugs ni President Rodrigo Duterte kaangay lang nga ang ilegal nga droga kaangay sang shabu, marijuana, heroin kag cocaine amo ang pinakamakatalagam. Ini nga mga substances ang makatuga sang kahalitan kag kamatayun. Apang nahibaluan nyo bala nga sa America ginasiling nga halos 100,000 ang nagakapatay bangud sang alcohol kada tuig samtang ang ilegal nga droga naga-contribute lamang sang halos 20,000 nga kamatayun kada tuig.
Ang kamatayun resulta sang mga balati-an bangud sang sobra-sobra nga pag-inom sang alcohol. May ara nga fatty liver disease, alcohol hepatitis kag alcoholic cirrhosis. Maluwas pa diri ang mga aksidente sa salakyan kag kinagamo tuga sang kahulogbon.
Dako man nga problema sang alcohol amo nga ginapaggwa niya ang matuod nga pagkatawo sang nagainom sini. Buot silingon may mga nagamaoy kag nagatuga sang gamo kag ang malala pa amo nga makasakit ukon makapatay pa sang iban.
Nahibaluan n’yo man bala nga mas madamo ang kaso sang pagpanglugos ukon sexual assault sang mga tawo nga hubog kumpara sang mga drug users?
Diin ka man nga bahin sang kalibutan luwas lang sa pila ka pungsod sa Middle East, madamo sang kaso sang krimen kag aksidente bangud may hubog. Indi bala nga diri sa Iloilo ang pinakamagamo nga mga lugar amo ang may ilimnon? Halimbawa na dira ang Smallvile Complex. Sadtong Disyembre 3 lang indi bala nga may napatay bangud ginluthang kag sila tanan nakainom?
Te, ngaa indi pa naton pag-iregulate ang pag-inom sang alcohol? Samtang ginalagas natun ang mga dorogista, ginapabay-an naman naton ang pag-abuso sang tawo sa pag-inom sang alcohol. Diri sa Pilipinas indi mag-untat ang tawo kun indi hubog. Dapat nagawada sa dalan, nagapilitla maghambal kag nagamaoy na gid agud sikat sa pag-inom.
Sa alcohol, imbes nga taguon ang pag-inom, gin-celebrate pa gani paagi sa pag-inom bisan diin lang. Indi ayhan nga kun maid-id ang pagtan-aw sang sitwasyon mas madamo man nga pamilya ang nawasak bangud sang alcohol addiction?
Samtang nagakalipay ang mga negosyante sa ila ganar sa alcohol, may nagabakho nga pamilya bangud nadulaan sang amay, iloy, anak ukon utod bangud sang alcohol. Gani ti-on na nga ma-regulate ang baligyaanay sang alcohol kay basi bwas ikaw biktima man sang alcohol, indi sa aksidente apang sa balati-an. (jpranco1975@gmail.com)/PN
[/av_textblock]
[/av_one_full]
