[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Amay gintiro sa atubang sang iya asawa kag anak ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang amay sang gintiro sang tatlo ka wala makilala nga mga suspek sa Yamsky Barber Shop sa kalye sang ML Quezon sakop sang Brgy. Pobalcion, Syudad sang Guihulngan, Negros Oriental sang Domingo sang aga.
Ginkilala ang biktima nga si Glenn Absin, legal ang edad kag taga-kalye Plaridel, Brgy. Poblacion.
Gindali-dali pa ini dala sa Governor William Billy Villegas Memorial Hospital apang ginlawag dead-on-arrival bangod sang naagom nga mga pilas sa lawas.
Sunu sa imbestigasyon sang pulis sa duha ka barbero nga sanday Alvin Magallano kag Raymund, wala nila nakilal-an ang tatlo ka mga suspek nga sakay sa duha motorsiklo.
Dugang pa nila nga hinali lamang nanaog ang duha ka suspek kag nagsulod sa barberya kag gilayon gintiro ang biktima gamit ang kalibre .45 kag Uzi Submachine gun.
Narekober naman sang mga pulis sa duog sang krimen ang duha ka basiyo sang .9mm, 13 ka basiyo sang kalibre .45, pito ka slugs sang .45; isa ka slug sang .9mm, kag isa ka slug sang .45.
Gina-usisa pa sang Guihulngan City PNP ang krimen agud mahibaluan ang motibo kag makilala ang mga suspek./PB
[/av_textblock]
[/av_one_full]
