[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Anay pulis gintiro-patay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang anay pulis sang Bacolod City Police Office (BCPO) sang gintiro pasado alas-nueve y medya sang Huwebes sang gab-i sa Purok Sigay, Barangay 2 diri.
Ginkilala ni Chief Inspector Benedicto Villarias ang biktima nga si anay PO3 Ernie Jaminal alyas Jam, 50, kag temporaryo nga naga-istar sa Purok Tilapia, Brgy. 3.
Nakaagom ini sang tatlo ka mga igu sa iya tangkugo, balikawang kag lawas gikan sa kalibre .45 nga pusil.
Sunu kay Villarias, ginpahalin sa pagka-pulis sa Jaminal matapos nga nagpositibo sa pag-gamit sang ginadilian sang droga. Sadtong duha na ka tuig ang nagligad, nadakpan ini sia sang Philippine Drug Enforcement Agency.
Naka-agi naman instructor si Jaminal sang Special Action Force (SAF) kag nagkuha sang refresher course sa Regional Public Safety Battalion sa Syudad sang Victorias apang nag-AWOL ini.
Siling pa ni Villarias, posible ginsunod ang biktima sang wala makilala nga suspek kag gintiro. Nagatindog ini sa isa ka eskinita sang gintiro sang suspek nga gilayon man nalagyo.
Dugang pa ni Villarias nga naga-gamit gid man sang ilegal nga droga si Jaminal kag posible man nga nasal-an nga asset bangod kon may operasyon ang pulis parte sa droga, gilayon man sia naga-gwa kag mag-istorya sa mga pulis.
Samtang ginasulat ini nga balita, padayun pa nga gina-usisa ang hitabo sang Police Station 2./PB
[/av_textblock]
[/av_one_full]
