SIGE pa tupa sang dugang nga prize money kag non-cash benefits para sa aton 22 ka Paris Olympians.
Halin sa gobyerno, nagpahibalo sining ulihi lang ang Senado sang ila man paghatag sang PhP3M kag medal of Excellence sa kay Carlos Yulo.
Naghatag man ini sang tag-PhP1M sa duha ta ka boksidor nga sanday Neshty Petecio kag Aira Villegas, nga una nagbaton sang tag-PhP2M para sa ila bronze medal winnings sa idalom sang RA 10699 halin kay Presidente Marcos Jr.
Ining financial reward nga PhP1M ginhatag man ni PBBM sa tagsa sang nabilin nga 19 ka Olympians nga wala nakabaton sing medalya.
Sang damlag pa, ang Kamara (House of Repesentatives) naghatag sang PhP14M kay Yulo – PhP6M halin sa Kamara kag PhP8M halin sa individual members sang HoR.
Nagbaton man si Yulo sang PhP2M nga cash incentive halin sa kay Manila Mayor Honey Lucena, samtang si EJ Obiena (4th sa Pole Vault) nagbaton sing PhP500,000 halin sa Quezon City.
Si Villegas nagbaton man sing house-and-lot sa Camella Homes nga nagabalor sing PhP6.5M kag isa ka brand new Mitsubishi Expander halin sa kay Rep.Yedda sang Tacloban kag sang Office of Speaker Martin Romualdez.
Madamo man sa private sector, katulad sang MVP Sports Foundation (MVPSF), ang nagtanyag sang cash kag non-cash benefits sa mga Paris Olympians.
Naghatag ang MVPSF sang mga PhP21M sa respective teams sang 3 ka Filipino nga nagdaug sang Paris Olympic medals.
Naghatag pa gid ini kay Yulo sang PhP10M kag tag-PhP2M sa kanday Petecio kag Villegas.
Ang coaching staff ni Yulo gintagaan man sini sing PhP5M, samtang PhP1 naman sa coaching staff sang duha ka boksidor.
Nagbaton man si Yulo halin sa Megaworld Corp. sang cash incentive nga PhP3M; PhP3M cash incentive halin sa Bounty Fresh and Chooks to Go by Bounty Agro Ventures Inc.; kag PhP5M halin sa ArenaPlus.
Fully-furnished three-bedroom unit sa McKinley Hill pa halin sa Megaworld Corp. nga nagabalor sing PhP32M para kay Yulo.
Nabaton man ni Yulo ang madamo nga Brand incentives, katulad sang PhP2M worth nga vacation package sa Lost Villa by Lost Juan; PhP15M worth nga brand ambassadorship para sa five-year contract upod sa Toledo Medical Companies Inc.; PhP1M worth nga produkto halin sa SM Group; PhP100,000 worth nga furniture kag cash vault halin sa Apollo Home Depot; duha (2) ka free franchises halin sa Don Macchiatos and Don Lemon Philippines; kag madamo pa.
Total cash kag non-cash rewards kay Carlos Yulo
As of August 14, sunu sa Manila Standard, ang financial rewards ni Yulo halin sa gobyerno kag private sector sources, naglab-ut sa PhP57M.
Overall, sunu sa Rappler (August 16, 2024), nabaton ni Yulo ang cash kag non-cash incentives, gifts and perks sa balor nga sobra sa PhP100 Million.
***
Pagkatapos sang 2024 Paris (Summer) Olympics sadtong Agosto 13, 2024, ginalauman ta man nga basi makadaug pa kita sing Olympic medals sa 2024 Paralympics, nga ginapartisiparan sang mga “differently able” (PWD).
Hiwaton ini sugod sa Agosto 29 tubtub sa Setyembre 8 sang 2024 dira mismo sa Paris.
Anom (6) sang aton mga atleta ang na-qualify diri sa apat (4) ka sports events: 1 sa Archery sa women’s, 2 sa Swimming (1 sa women’s kag 1 sa men’s), 2 sa Athletics (1 sa women’s kag 1 sa men’s) kag 1 sa Taekwondo (men’s). Ginahulat pa naton ang resulta sining Paralympics 2024.
Mapartisipar man kita sa Winter Olympics 2026, nga ginahandaan na sang POC. Tubtub sa karon sang aton pagpasakop diri, 6 pa gid lang nga mga atleta ang aton napadala diri.
Apat (4) diri sa Alpine Skiing nga ginrepresentaran nanday Filipino-New Zealanders Juan Cipriano kag Ben Nanasca sadtong 1972; Filipino-American Michael Teruel sang 1992; kag ni Filipino-American Asa Miller sa Beijing sadtong 2022.
Ang nabilin nga duha amo sanday Filipino-American Raymond Ocampo sa Luger (sliding event) sang 1988 kag Filipino Figure Skater Michael Christian Martinez sang 2014 kag 2018.
Ang Filipinas ang nahauna nga tropical nation — kag sa Southeast Asia — nga nagpartisipar sa Winter Olympics.
Sa karon pa lang, gapangita na ang Philippine Olympic Committee (POC) sang pwede mapadala sa Winter Olympics 2026 sa Milanno kag Cortina, Italy.
Galaum pa gani ang POC nga makapasakop kita sa dugang pa nga sports events diri, katulad sang Bobsleigh, Curling, Snowboard kag Freestyle kag Cross Country Skiing.
Among others, may apat na kita nga pwede maka-qualify sa Winter Olympics 2026. Nakapahayag na gani sila sang ila interest sa pagpasakop sa Curling upod sa Philippine delegation.
Ini sila amo sanday Filipino-Swiss Christian Haller, ang Fil-Swiss brothers Marc kag Enrico Pfister, kag si Fill-Swiss Alan Frei. Sa inyo nga tanan: Good Luck, God speed!/PN
