[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Antiqueño nga soldado patay sa engkwentro sa Marawi ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagdugang naman sa listahan sang mga soldadto nga napatay sa Syudad sang Marawi ang isa pa ka soldado nga tumandok sang probinsya sang Antique.
Si Private First Class Arth Ronald Manalang, 32, tumandok sang Brgy. Padang, Patnongon, Antique kag miembro sang 5th Scout Ranger Company sang Philippine Army, ang isa sa duha ka mga soldado nga napatay sa engkwentro sang tinalikdan nga Biyernes sang hapon.
Sunu kay Western Mindanao Command chief Lt. Gen. Carlito Galvez, napatay ang duha ka mga soldado kasunod sang ginlunsar nga opensiba sang tropa sang gobyerno kontra sa mga terorista nga Maute nga nagakontrol sa gamay nga porsyon sang syudad.
Dugang pa ni Galvez nga ang engkwentro nagresulta man sa kamatayon sang 13 ka mga terorista kag pagbawi sang 25 ka iban pa nga mga buildings nga gin-akupar sadto sang grupo sang Maute.
Bangod sini, nagsaka na sa 155 ka mga soldado ang napatay umpisa nga nagsugod ang engkwentro sa Marawi sadtong Mayo 23, 2017. Luwas diri, yara naman sa 749 ka mga terorista, kag 47 ka mga sibilyan ang napatay, sandig man sa rekord sang militar./PB
[/av_textblock]
[/av_one_full]