[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Asawa gin-espading sang bana’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Wednesday, April 26, 2017
[/av_textblock]
[av_textblock size=” font_color=” color=”]
Syudad sang ILOILO – Duguon na sang nasapwan sang bata ang iya iloy matapos nga ginlabu sang espading sa Barangay Tinocuan, Dueñas, Iloilo alas-tres sang kaagahon kahapon.
Ginabulong pa subong sa Don Valerio Palmares District Hospital sa Syudad sang Passi, Iloilo ang asawa nga si Danilyn Laguna y Lacsina, legal ang edad, bangod sang mga pilas sa nawong kag mga butkon.
Sandig sa imbestigasyon sang Dueñas Municipal Police Station (MPS), nasapwan na lamang sang bata nga si Werben Laguna ang iloy nga duguon sa gwa sang ila balay. Bag-o gid lamang nakaabot sa ila balay ang bata matapos nga nagbisita sa haya sang iya tiyo nga si Delfin Laguna.
Antes ang krimen, gina-alegar nga nagakatulog ang biktima sa sulod sang ila balay sang gulpi lamang nag-abot ang bana sini nga suspetsado nga si Wilfredo Laguna y Lacerdo nga yara sa impluwensya sang makahulobog nga ilimnon kag ginapangita ang asawa.
Makaligad ang pila ka minutos, nasapwan na lamang ang asawa nga dugoon rason nga nagpangayo ang bata sang bulig sa ila mga himata nga amo naman ang nagtawag sa kapulisan.
Sa pagresponder sang kapulisan, wala na nila naabtan ang suspetsado pero narekober ang espading nga ginapangtapas sa tubo nga ginapatihan gingamit sang bana sa paglabu sa asawa./PB
[/av_textblock]
[/av_one_full]
