[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’KERIDO GINBUNU SANG KERIDA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=”]
Wednesday, April 26, 2017
[/av_textblock]
[av_textblock size=” font_color=” color=”]
Syudad sang ILOILO – Nagapanumpa ang isa ka lalaki nga indi na gid makig-uli sa iya kerida sa sulod sang apat ka tuig.
Ini matapos nga ginbunu sia sang iya kerida nga si alyas Lily, 30, sa tunga sang ila mainit nga pagbaisay sadtong Lunes sang gab-i.
Ginsiling naman sang nakasaksi sa insidente, nga nag-away sanday alyas Chef, 40, kag Lily sa sulod sang isa ka mabugnaw nga hulot. Sa tunga sang pagbaisay, napikon ang lalaki gani iya nga natampaan ang babae nga nagbalos naman sang pagbunu sa iya gamit ang gunting nga nag-igu sa abaga sang lalaki.
“Duha na na sila ka semana nga wala nagkitaay kag nag-away sila sang nasapwan sang babae ang text sang isa man ka kerida sang lalaki,” kumpirmasyon sang nakahibalo sang hitabo nga indi luyag magpakilala.
Duha ka semana na ang nakaligd sang naghalin si Chef sa ila boarding house ni Lily sa Barangay Rizal, La Paz bangod nag-away sila sang nabuking ang iya panibag-o nga relasyon sa isa man ka babae. Sa kaakig ni Lily, gintext niya ang asawa ni Chef nga may bag-o naman nga ginabuangan ang iya bana.
Nahibaluan pa nga apat ka tuig nga naga-upod pahulom sa sabak sang isa kag isa sanday Lily kag Chef apang sang ulihi nakakita naman sang bag-o nga palanggaon ang lalaki gani luyag na niya makigbulag kay Lily.
Si Lily ang bulag sa iya bana si Lily kon sa diin may tatlo sila ka anak samtang si Chef may tatlo man ka anak sa iya asawa./PB
[/av_textblock]
[/av_one_full]
