[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BABAE GINHIMUSLAN SANG AMIGO SANG BANA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Wednesday, February 22, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Nagob na ang kagab-ihon. Arumiraw ang katulugon ni Mimi (indi matuod nga ngalan) bangod nakainom sang makahulobog nga ilimnon.
Sa iya luyo, nagahuragok na ang bana bangod man sa kahulogbon. Nanguy-ab sia kag lubos na nga nadula ang animo. Natulogan na si Mimi.
Sa tunga sang iya mahamuok nga katulogon, nakabatyag sia nga may nagasampaw sa iya. Mabug-at, daku ang lawas. Nabatyagan niya nga naluslos na ang iya pang-idalom nga panapot samtang may isa ka matig-a nga bagay nga naga-gwa-pasulod sa iya pagkababae. Daku kag nabatyagan gid niya ang kainit. Pero may natalupangdan siya…daku ang nagasampaw sa iya, mabug-at.
“Indi ko man bana ang nagapakighilawas sa akun,” siling ni Mimi sa iya huna-huna.
Ginsumbag niya ang bana samtang ginatawag ang ngalan sini.
“Boy, boy, Booyy! Ikaw ni? Booooyyy! Daw indi ni ikaw haw?” ang pahayag sang babae sang namulalongan nga indi iya bana ang nagapakighilawas sa iya.
Didto kag naghukas ang lalaki sa pagkasampaw sa iya. Pero ulihi na ang tanan bangod nakapautwas gid ang amigo sang iya bana. Nabatyagan gid ni Mimi nga nagbasa ang iya pagkababae.
Tuman ang kaakig ni Mimi sa bana bangod sa pagpati nga ginbaligya sia sa iya amigo. Sa interbyu sang RMN Iloilo, ginsiling ni Mimi nga ginsukmatan niya ang bana ngaa amo yadto ang natabo.
Ginpadakop naman sang mag-asawa ang suspek kag karon priso na sa La Paz PNP detention cell bangod handa gid nga magpasaka sang kaso si Mimi. Magapa-idalom man sia sa medical examination agud makakuha sang ebidensya nga natandog gid sia sang lalaki.
Samtang, hugot ang pagpanginwala sang suspek. Ginpahayag sini nga wala sang kamatuoran ang alegasyon sang babae.
“Wala ako nakahibalo. Natingala lang ako sang ginpukaw ako sang lalaki. Abi ko malakat na kami. Damo kami. Atubangay man lang ang kwarto,” paathag sang suspek.
Nahibaluan nga naga-board lamang sa isa ka barangay sa Lapuz ang tagreklamo kag bana sini. Antes natabu ang insidente, ulolopod man sila nga nag-inom./PB
[/av_textblock]
[/av_one_full]
