[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mag-live-in gintiro, patay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Wednesday, February 22, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Gintiro-patay ang mag-live-in partner sa Hacienda Agustina sakop sang Barangay Sag-ang, La Castellana, Negros Occidental mga alas-3:30 ang takna sang Lunes sang hapon.
Ang La Castellana PNP sa pagpamuno ni Senior Inspector Jerry Nacion nagkilala naman sa mga biktima nga sanday Jose Melandro Pasoy, 53, kag empleyado sang La Castellana Municipal Hall, kag Alicia Cabigunda, legal ang edad kag naga-istar sa Hacienda Cochita Villanueva sa Brgy. Sag-ang.
Sunu kay Nacion, nagasakay ang mag-live-in partner sa motorsiklo padulong sa banwa sang ginbantayan sang wala pa makilala nga suspek kag gintiro. Si Pasoy may igu sa iya agtang samtang si Alicia naman sa iya dughan.
Tatlo naman ka mga angulo ang motibo sang pagpatay: paghold-ap bangod nga nagapa-utang sang kwarta ang babae; ang pag-award sa ila sang ila CLOA; kag third party nga mga pamilya sang duha ka biktima.
Nahibaluan nga si Pasoy may walo ka mga anak sa duha niya ka asawa sadto antes niya ginpuyo si Alicia. Kag si Alicia may anum man ka mga bata sa iya sadto bana.
Narekober sang kapulisan sa bag ni Pasoy ang kalibre .38 nga armas. Tubtob ginasulat ini nga balita, wala pa sang natumod nga suspek sa pagpatay sa duha./PB
[/av_textblock]
[/av_one_full]
