[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BABAE NASAPWAN HUBLAS, NAKA-KADENA ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Syudad sang ILOILO – Gina-imbestigaran pa sang kapulisan sang banwa sang Barotac Viejo kag Banate ang kaso sang babae nga nakita nga nagalakat sa dalan sa Brgy. San Lucas, Barotac Viejo, Iloilo nga hublas, may kadena ang tiil, kumpol ang wala nga kamalingking, may gasgas sa liog, kag may pilas tuga sang pagluthang.
Una nga nakita ang ginabanta naga-edad sang 35 anyos nga babae sa lugar alas-cuatro sang kaagahon kahapon. Hublas ini kag may kadena ang tiil gani gindala sang mga residente sa Barotac Viejo District Hospital agud mabulong.
Sa dugang nga pag-usisa sang mga doktor, nakita nga may pilas man ini sang pagkaluthang kag nakalubong pa ang bala sa iya likod.
Bangod sini, nangin palamangkutanon sa karon sa kapulisan kon ano ang natabo sa babae ngaa nakita sia sa amo yadto nga sitwasyon.
Sa pagpamangkot naman sa biktima, ginsiling sini nga tumandok sia sang isa ka barangay sa Banate.
Ginkumpirmar pa sang nakakita sa biktima nga matahom ini kag posible ginhimuslan apang nakapalagyo. Indi man ini makuhaan sang iban pa nga detalye bangod haluson ini magsabat kon ginapamangkot.
Sa karon, ara na ang babae sa paghinakop sang Municipal Social Welfare and Development Office sa Banate samtang gina-verify pa sang kapulisan kon matuod ang iya ginhatag nga address./PB
[/av_textblock]
[/av_one_full]
