[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bag-o bun-ag nga lapsag nakita sa dalan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=’18’ font_color=” color=”]
Syudad sang ILOILO – Buhi kag nagahibi pa sang nasapwan ang bag-ong bun-ag nga lapsag nga lalaki sa gwa sang gate sang isa ka balay sa Holy Family Subdivision, Zone 8, Barangay Calumpang, distrito sang Molo alas-9:30 kahapon sang aga.
Base sa report sang Molo PNP, una nga nakita sang isa ka lalaki nga nagapaninlu sa higad sang dalan malapit sa gate sang isa ka balay ang plastic nga nagabugkos.
Dala sang kuryosidad, ginbuksan sang lalaki ang plastic kag nagsumalang sa iya panulokan ang bag-ong bun-ag nga lapsag nga naputos sa lampin kag nagahibi.
Natukiban man niya nga naga-ulon pa sa inunlan ang lapsag kag may dugo rason nga nagpangayo sia gilayon sang bulig sa tag-iya sang balay nga si alyas Kurt para madala sa sentro sang Molo ang lapsag.
Gintinluan kag ginpasuksokan sang panatpon ang lapsag kag dayon ginsaylo sa Western Visayas Medical Center sang natukiban nga mainit ang temperatura sang lawas sini.
Antes naman nasapwan ang lapsag, ginsugid sang nakasapo nga may nakit-an sia nga babaye nga nagasuksok sang duag puti nga uniporme kag may mga lutak sa tiil nga nagabalik-balik sa lugar.
Bangod sini, natalana nga rebyuhon sang Molo PNP ang kuha sang closed-circuit television camera sang barangay para mabal-an kon sin-o ang nagbilin sa lapsag./PB
[/av_textblock]
[/av_one_full]