[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BALAY, GARAHE GIN-ARADO SANG TRAK ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Guba ang balay kag garahe sa Barangay Jalaud Norte, Zarraga, Iloilo matapos nga ginsalakay sang ten-wheeler truck alas-12:55 sang kaagahon sang Sabado.
Sa alegasyon sang drayber sang trak nga si Marvin Hechanova, 43, residente sang Murcia, Negros Occidental, nadulaan sia sang kontrol sa manibela rason nga nagdiretso sia sa balay ni Lucia Lauino kag garahe sang hinablos sini nga si Mary Jane Silvela.
Sunu naman sa report sang kapulisan, gikan sa Syudad sang Iloilo ang trak kag mapadulong na sa norte nga bahin sang probinsya sang Iloilo pero wala sang drayber namutikan ang intersection rason nga gulpi lamang sia nagliko pa-tuo.
Sa alegasyon naman ni Silvela, naga-internet sia sang nakabati sang ragamak sa gwa sang ila balay.
“Una may nabatian ko daw agi sang goma. Tapos dugay-dugay naglagabong todo-todo .Ti naga-internet gid ako hay may gina-search ako, amo to ginpukaw ko bana ko,” siling ni Silvela.
Bisan nahalitan ang ila balay, daku gihapon ang pasalamat ni Silvela nga wala sang nasamaran sa ila.
Nahibaluan naman nga isahanon lamang si Launio sa ila balay sang nagluntad ang aksidente.
“Maayo lang wala sia (Launio) napintalan. Na-trap lang sia. Nagasinggitan sia nga pagwa-on sia. Ti paano pagwa-on kay guba ana nga puertahan, napintalan. Ti sa bintana sia ginpaagi,” dugang ni Silvela.
Sa karon, si Hechanova priso na sa karsel sang Zarraga PNP pero ginpagwa man alas-cuatro sang hapon kahapon matapos nga gin-areglo na lamang ang natabo./PB
[/av_textblock]
[/av_one_full]
