[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Balay gin-atake sang mga hold-aper ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nataban gid sang mga hold-aper ang P170,000 nga kwarta sa ginsulod nila nga balay nga gina-istaran sang salesman sa Barangay Bagaybay, Sara, Iloilo alas-8:30 sang Huwebes sang gab-i.
Sunu sa Sara PNP, tatlo ka armado nga mga hold-aper ang nag-atake sa balay nga gina-rentahan ni Joel Villeula, tumandok sang Brgy. Baye-baye, Jamindan, Capiz kag naga-obra bilang salesman sang isa ka kompaniya.
Kaupod man ni Villeula nga naga-istar sa balay amo ang iya helper nga si Ronelo Villeula kag drayber nga si Pablito Hortalano.
Sandig naman sa imbestigasyon ni Chief Inspector Ronnie Brillo, hepe sang Sara PNP, gulpiyada ang pagsulod sang tatlo ka mga hold-aper sa balay sa diin nakasulod sila gilayon bangod nga indi man mapag-on ang pagkandado.
Dayon nga ginmandoan sang mga hold-aper ang mga biktima nga maghigda kadungan sang pagtaya sa ila sang mga pusil.
Nang-ukay ang mga ini sa balay tubtob nga nakuha nila ang P170,000 nga cash kag mga cellphone sang mga biktima.
Gin-pistol whip man nila si Hortillano antes nagpalagyo paagi sa pagsakay sa motorsiklo.
Sa interbyu pa sang mga katapo sang media kay Brillo, ginsugid sini nga may ginasundan na sila nga mga suspek.
“Gina-imbestigaran pa naton. May lead na kita kon sin-o ang suspek nga nagsulod sa balay pero indi pa naton mahingadlan,” hambal ni Brillo.
Nagapati man ang hepe nga madugay na nga gina-surveillance sang mga suspek ang mga biktima bangod nga saulado nila ang alagyan sa pagpalagyo.
“Posible nga dugay na nila nga casing kay sulodlon ini nga lugar. Ang ila ginpalagyohan daw talamnan. Kita nila kon ano ang ila palagyohan,” dugang ni Brillo.
Ikaduha naman ini nga insidente sang hold-ap sa Sara subong nga semana. Ang una nga ginbiktima sang hold-aper amo ang negosyante nga babaye sa Brgy. Crespo, Sara, Iloilo./PB
[/av_textblock]
[/av_one_full]
