[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BALAY SA JARO GINSUNOG?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Friday, March 10, 2017
[/av_textblock]
[av_textblock size=” font_color=” color=”]
Syudad sang ILOILO – Maswerte lang nga wala maabo ang isa ka balay sa Barangay Bitoon, distrito sang Jaro nga gina-alegar hungod nga gintutdan sang Miyerkoles sang gab-i.
Sunu sa report sang Bureau of Fire Protection (BFP), nagsugod ang kalayo sa una nga panalgan sang balay nga ginapanag-iyahan ni Caridad Ybañez kag bangod nga human sa mixed materials, madasig nga naglapta kag nagsaka sa ikaduha nga panalgan ang kalayo.
Pero antes pa man maabo ang bug-os nga balay, nakaresponder na ang mga katapo sang bombero kag napalong ang kalayo.
Gina-alegar naman sang pila ka mga testigo nga ginhungod sang amay ni Ybañez nga si Carido Ybañez nga tutdan ang balay sang iya bata.
Ginapasuni nga naakig ang amay sa iya bata kag umagad rason nga nagbakal sang gasolina kag ginbasya sa balay sang iya bata kag gintutdan.
Pero wala diri dayon nagapati ang BFP bangod nga wala man nagapanimaho sang gasolina si Carido. Sunu pa sa mga otoridad, yara ini sa impluwensya sang makahulobog nga ilimnon sang nagluntad ang sunog./PB
[/av_textblock]
[/av_one_full]
