[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Balay sang bise alkalde sa Maasin ginsulod sang mga pulis ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginsulod sang nagtingob puersa nga Iloilo Police Provincial Office (IPPO) kag Provincial Special Operation Group ang balay ni bise alkalde Francis Alicante “Ansing” Amboy sang Maasin, Iloilo nga nahamtang sa Confesor Subdivision, Mabini Street alas-5:30 sang aga kahapon.
Bitbit ang search warrant no. 17-01 nga gin-isyu ni Hon. Judge Gemalyn F. Tarol, presiding judge sang Regional Trial Court, Branch 31, Iloilo City nga napetsahan Septyimbre 7 para sa pagbayolar sang RA 10591 ukon Comprehensive Firearms and Ammunition Regulation Act, nagpadulong ang puersa ni Chief Insp. Jonathan Penuela, hepe sang Public Infantry Battalion sang IPPO, sa balay sang bise alkalde.
Nangin matawhay man ang pagserbe sang search warrant kon sa diin nagpasugot man dayon si Amboy nga usisaon ang iya balay para maklaro ang iya pangalan.
Target sang search warrant ang ginapasuni ginahupot sang bise alkalde nga isa ka unit sang .45 caliber pistol, isa ka unit sang caliber 9mm kag nagkalain-lain nga mga bala.
Makaligad ang tunga sa oras nga pag-usisa, wala man sang nakuha nga mga pusil ang mga pulis rason nga nagbiya sila sa balay sang bise alkalde.
Samtang, nagpasalamat si Amboy sa mga pulis nga nagserbe sang search warrant bangod nga ginsunod man nila ang proseso kag nangin matawhay ang operasyon.
“Siguro isa ka hanggod nga pasalamat kag pagrespeto sa aton kapulisan sa ginpakita nila. Nakita ko gid kaina nga ginsunod nila ang maayo nga proseso” hambal ni Amboy.
Gindugang sang bise alkalde nga gin-turnover na dayon niya ang mga pusil sa Maasin Police Station matapos nga na-expire ang lisensya sini sadtong tinalikdan nga binulan.
Matandaan nga si Amboy isa lang sa mga opisyales sa Iloilo nga ginlawag ni Presidente Rodrigo Duterte nga na-angut nagaprotehir sang ilegal nga droga sa Maasin.
Ang iban pa nga nalawagan ni Duterte amo si Mayor Mariano Malones sang Maasin, Mayor Alex Centena sang Calinog, Mayor Sigfred Betita sang Carles, kag Iloilo City Mayor Jed Patrick Mabilog./PB
[/av_textblock]
[/av_one_full]
