[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Balay sang soldado gin-strafing ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Pilason ang soldado matapos nga ginpaarakan tiro sang tatlo ka mga suspek ang ila balay sa Barangay San Lucas, Barotac Viejo, Iloilo pasado alas-siete sang gab-i sang Miyerkoles.
Ginabulong pa subong sa ospital sa Barotac Viejo si Corporal Felizardo Barrida, 42, kasado, bangod sang naagom nga mga pilas sa magtimbang nga tiil.
Base sa imbestigasyon sang Barotac Viejo PNP, nagahimos na para magtulog si Barrida kaupod ang iya asawa, bata kag hinablos sang ginpaarakan tiro ang ila balay gamit ang ginapatihan  kalibre .45 kag 9mm pistol sang mga suspek.
Ginabanta nga naglawig sang duha ka minutos ang pagtiro sang mga suspek sa balay antes nag-atras ang mga ini kag nalagyo sakay sa mga motorsiklo sang nagbalos na sa pagpalupok si Barrida.
Bangod sang insidente, nakaagom sang bagras sa tiil ang hinablos sang soldado dala sang sobra nga kakulba kag pagpanago sa idalom sang katre samtang nakaluwas naman ang mag-iloy sini.
Nabuslot man ang dingding sang balay subongman nagkalawasak ang jalousie nga mga bintana.
Nakarekober naman ang mga katapo sang Scene of the Crime Operatives sa lugar sang mga basiyo sang nasambit nga mga pusil.
Sa interbyu sang mga katapo sang media sa kapitan sang barangay nga si Eddie Lumampao, ginsiling niya nga posible nasal-an lang sang mga suspek ang balay ni Barrida nga balay sang mag-utod nga alyas Noynoy, 20, kag John-John, 15, nga gin-abduct sang tatlo ka mga suspek sadtong nagligad nga semana pero ginbuy-an man sa Sitio Bangun Bangun, Brgy. Vista Alegre, Barotac Viejo./PB
[/av_textblock]
[/av_one_full]