[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Basura, problema tapos sang Dinagyang’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Tuesday, January 24, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Daku nga problema kada tapos sang Dinagyang Festival ang nagalinapta nga mga basura.
Humalin sang nakilala kag ginadugokan ang Dinagyang, nagadamo man ang mga basura sa mga mayor nga dalanon sang syudad. Kag isa ini sa mga problema nga luyag solbaron sang komitiba.
Sunu kay Lea Lara, executive director sang Iloilo Business Club, dapat istoryahan sang komitiba sang Dinagyang Festival ang paglinapta sang mga basura pagkatapos sang kahiwatan. Dapat nga hatagan man sang balor ang pagtipig sa palibot.
Para kay Lara, ang tag-iya sang mga kiosko kag ang mga ambulant vendors nga nagakuha sang lisensya sa pangulohan sang syudad dapat mangin respponsable sa ila mga area kag indi maghaboy sang basura bisan diin lang.
Indi man dapat pag-ihaboy ukon ibilin ang mga basura sa higad sang dalan tion sang Dinagyang.
Nagalaum na lamang si Lara nga sa sunod nga tuig sa ika-50 ka anibersaryo sang Dinagyang Festival, dapat may yara inobasyon ang tagdumalahan sang festival nga malikawan kag masabat gilayon ang problema sa basura.
Sa pihak nga bahin, ginakabig ni Lara nga pinakamadinalag-on ang Dinangyang Festival subong nga tuig. Ini bangod nga nagbukas ang syudad sang mas madamo nga party areas partikular sa Diversion Road sa Mandurriao.
Nakit-an man nga bisan kaagahon na, padayun gihapon ang pagdamo sang mga tawo nga nagalagaw.
Nagalaum naman si Lara nga mapadayun ining pagdamo sang party sreas sa syudad sa masunod nga mga tuig para mas makaganyat sang mas madamo nga mga tawo sa syudad./PB
[/av_textblock]
[/av_one_full]
