[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bise alkalde sang Dingle gin-dismiss ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagpagwa sang desisyon ang Office of the Ombudsman para i-dismiss ang anay alkalde kag subong bise alkalde sang Dingle, Iloilo nga si Rufino Palabrica III bangod sang dishonesty kag grave misconduct bangod sang pag-gamit sang dummy para sa ila negosyo sa konstruksyon.
Ginkumpirmar ni Department of Interior and Local Government (DILG) 6 regional director Anthony Nuyda nga ginserbe sadtong Nob. 3 ang dismissal order nga napetsahan Agusto 22, 2016 kontra kay Palabrica. Pero wala sadto si Palabrica rason nga ginbaton lamang sang iya opisina ang kopya sang mando kag ginhatagan man ang iya abogado.
“Wherefore, this Office finds respondent Rufino P. Palabrica III guilty of Serious Dishonesty and Grave Misconduct and is hereby meted the penalty of DISMISSAL from the service including all its accessory penalties of (a) cancellation of eligibility, (b) forfeiture of retirement benefits and (c) and perpetual disqualification for re-employment in the government service,” kabahin sang desisyon nga gin-aprubahan ni Ombudsman Conchita Carpio-Morales.
Nag-ugat ang kaso ni Palabrica sang nagsumiter sang reklamo ang Ombudsman kontra sa negosyo sang bise alkalde kag asawa niya nga si Theresa.
Ang Tri-B Marketing ang gin-awardan nga maghimu sang pila ka mga proyekto sang banwa nga ginalakipan sang:
* concreting, rip rapping, widening kag pag-obra sang drainage system sa Espino kag pag-obra sang drainage sa Aportadera Street (Phase 1) sa presyo nga P1.88 milyon sadtong Disyembre 27, 2007,
* concreting sang porsyon sang Pototan-Dingle Road balor P1.78 milyon sang Sept. 1, 2008,
* pagtukod sang Home Technology Building sang Rufino G. Palabrica Sr. National High School nga may P953, 271.64 nga pundo sadtong Marso 30, 2009; kag
* concreting sang Camambugan-Caguyuman Barangay Road sa presyo nga P733, 794 sang Peb. 16, 2009.
Nag-gwa sa imbestigasyon nga antes naghimu si Theresa sang waiver of rights, si Eden Castañeda, (ginapasuni kabulig sang mag-asawa) wala naka-file sang Annual Income Tax return sa Bureau of Internal Revenue humalin sang 2000 tubtob 2006. Nag-file lamang ini sang ginsaylo na ang negosyo sa iya.
Sandig naman sa gin-isyu nga sertipikasyon sang barangay kapitan, ang Field Office Investigation nakadiskubre nga sadtong Dis. 8, 2009, si Castañeda wala sang matuod nga real properties nga naka-rehistro sa iya pangalan.
“With no concrete proof of her source of income, how can she secure millions of pesos as her capital to run the business with transactions involving millions of pesos,” kwestiyon sang Ombudsman.
Bangod sini, ang argumento ni Palabrica nga si Castañeda nakakuha sang financial assistance sa iya pamilya kag mga pautang ang wala sang basehan bangod nga imposible nga makapahulam sang P1.5 mlyon para sa construction materials kag P1.2 milyon para sa hollow blocks sa isa ka persona nga wala sang klaro nga pangabuhian kag wala sang propiedad.
“The Office can only logically conclude is that she is a mere dummy of respondent’s wife and the latter has not actually divested her financial interest in Tri-B Marketing,” siling sang Ombudsman.
Samtang, sunu kay Nuyda nga sa pagsuspendir kay Palabrica, ang rule of succession ang masunod kon sa diin ang No. 1 nga konsehal ang mabulos sa iya.
Pero mahimu nga i-apelar ni Palabrica sa Court of Appeals ukon sa Supreme Court ang kaso bangod ang desiyon sang Ombudsman ang execution pending appeal ukon motion for reconsideration./PB
[/av_textblock]
[/av_one_full]
