[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Biyahe sang mga sakayan kanselado bangod sa ‘Auring’’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Monday, January 9, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Kasunod sang pagpa-idalom sa storm signal No. 1 sa pila ka bahin sang Kabisay-an Nakatungdan bangod sa bagyo “Auring,” ginkanselar man kahapon ang biyahe sang pila ka mga sakayan.
Sumugod kahapon sang aga tubtob ginasulat ining balita, kanselado ang biyahe sang mga sakayan halin sa Iloilo pakadto sa Syudad sang Bacolod kag Cebu kag pabalik.
Sunu kay Lt. Com. Ramil Palabrica sang Philippine Coast Guard-Iloilo, ginkanselar ang biyahe sang fastcraft kag ro-ro para masiguro nga hilway ang mga pasahero kag indi mabutang sa peligro ang ila kabuhi bangod sang mabaskug nga paghampak sang balud.
Ginklaro man ni Palabrica nga indi nila pag-ibalik ang biyahe mientras indi makakas ang storm signal sa nasambit nga mga lugar.
Angut diri, masobra 1,000 ka mga pasahero ang stranded sa mga pantalan sa palibot sang rehiyon kahapon.
‘AURING’ NAG-LANDFALL SA SIARGAO
Sa pinaka-ulihi nga report sang Philippine Atmospheric, Geophysical and Astronomical Services Administration (Pagasa) naman kahapon, ang bagyo “Auring” nag-landfall na kahapon sang hapon sa Siargao Island sa Surigao del Sur.
May kabaskugon ini nga hangin nga 55 kilometers per hour (kph) kag may pabugso-bugso nga 70 kph.
Bangod man sini, alas-11 sang aga pa lang kahapon, ang signal No. ginbatak na sa Bohol, Siquijor, Negros, Southern Leyte, Cebu, Guimaras, southern Iloilo, southern Antique, Agusan del Sur, Agusan del Norte, Surigao del Sur, Surigao del Norte lakip na ang Siargao Island, Dinagat Province, Misamis Oriental, Misamis Occidental, Bukidnon, Camiguin, Davao del Norte, Northern Davao Oriental, Northern Zamboanga del Norte, Lanao del Norte, Northern Lanao del Sur, kag Compostela Valley.
Ginpa-andaman man sang Pagasa ang mga residente sa mga lugar nga ginpa-idalom sa signal No. 1 kag nabilin nga bahin sang Eastern kag Central Visayas kontra sa posible nga pagluntad sang baha kag landslide.
Ginpanugyanan man ang mga mangingisda kag magagmay nga sakayan nga indi magpalawod sa eastern seaboard sang Visayas kag Mindanao./PB
[/av_textblock]
[/av_one_full]
