[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Biyahe sang mga sakayan sa N. Iloilo kanselado ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Kanselado ang biyahe sang mga sakayan sa norte nga bahin sang probinsya sang Iloilo tubtob kahapon bangod sang pagpa-idalom diri sa storm signal No.1 bangod sang bagyo “Urduja.”
Ginmando sang Philippine Coast Guard (PCG) Iloilo nga kanselahon ang biyahe sang mga sakayan para malikawan ang ano man nga risgo.
Nagsugod ang pagkanselar ni PCG-Iloilo commander Lieutenant Ramil Palabrica sang biyahe sang mga sakayan sa norte sang Huwebes sang hapon matapos nga ginpa-idalom sang Philippine Atmospheric Geophysical and Astronomical Services Administration ang lugar sa storm signal No. 1.
Lakip sa ginkanselar nga mga biyahe amo ang iya sang mga sakayan gikan sa Ajuy, Iloilo nga mapadulong sa Syudad sang Victorias, Negros Occidental kag Estancia, Iloilo padulong sa Masbate.
Wala man ginpabiyahe ang mga sakayan halin sa puerto sang Iloilo padulong sa Northern Cebu nga ginpa-idalom man sa storm signal No.1.
“When there is a storm signal on the point of destination, there should be no movement of vessel. This is to secure the safety of our passengers,” siling ni Palabrica sa interbyu sang mga katapo sang media.
Pero tubtob ginasulat ining balita, ang biyahe sang mga sakayan gikan sa Syudad sang Iloilo padulong sa Guimaras and vice versa kag Syudad sang Iloilo padulong sa Bacolod and vice versa ang nagapadayun. Pero may posibilidad nga kanselahon ni Palabrica ang biyahe kon maglain ang panahon sa nasambit nga mga syudad.
“We are observing the weather and waiting for the update of Pagasa because they might also place the entire Iloilo under storm signal number 1,” dugang ni Palabrica.
Angut sini, nagpanugyan si Palabrica sa publiko nga mangin alerto kag magbantay gid sa dalagan sang tiempo antes magbiyahe.
Ginpanugyanan man niya ang mga operator sang mga sakayan nga magsunod sa safety requirements kaangay sang pagpasuksok sang life jackets sa tanan nga mga pasahero kag siguruhon nga yara sa insakto nga kondisyon ang ila mga makina./PB
[/av_textblock]
[/av_one_full]
