[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’BRGY HEALTH WORKER DAKOP SA DRUG BUST’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala na makaluwas pa ang barangay health worker nga ginakabig high-value target 3 sang probinsya sang Iloilo sa buy-bust operation sa Barangay Bakabak, Sara, Iloilo alas-dos sang hapon sang Huwebes.
Ginkilala ang suspek kay Lea Braga y Denum, 48, residente sang nasambit nga barangay.
Sa interbyu sang Panay Balita kay Senior Inspector Ronnie Brillo, hepe sang Sara Municipal Police Station (MPS), nagkasar sang buy-bust operation ang Iloilo Police Provincial Office-Provincial Anti-Illegal Drug Special Operations Task Group kontra kay Braga nga binulan man anay nga ginpa-idalom sa monitoring.
Nagmadinalag-on ang operasyon kon sa diin nabaklan ang subject sang isa ka plastic sachet sang shabu balor P500.
Sang ginrikisa, narekober dugang sa iya paghinakop ang pito ka mga plastic sachets sang ginapatihan shabu, drug paraphernalia kag cash nga P1,060 lakip na ang buy-bust money.
Gintuad pa ni Brillo nga may direkta nga transaksyon halin sa New Bilibid Prison si Braga kon sa diin may pakaisa ini nga napriso didto.
“May direct siya na transaction sa Bilibid. May mga pakaisa siya nga ara sa sulod Bilibid,” siling ni Brillo.
Dugang pa sang hepe, “May direkta nga access siya sa Bilibid tapos may supply nga ginasulod diri sa iya sa Sara, Iloilo tapos may distributor pakadto sa area sang Concepcion kag Sara man.”
Si Braga ang nahunong na subong sa karsel sang Sara MPS kag kasohan sang pagbayolar sang Sections 5 (selling) kag 11 (possession) sang Republic Act 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
