[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Brgy kapitan nakuhaan pusil, mga bala sa raid ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Narekober ang isa ka pusil kag madamo nga mga bala sa barangay kapitan nga subject sa raid sang kapulisan sa Barangay Zerrudo, Sara, Iloilo alas-cuatro sang kaagahon kahapon.
Si barangay kapitan Manuel Agutaya Jr. y Abenido, 55, ang gin-isyuhan sang search warrant sang Regional Trial Court, Branch 66, 6th Judicial Region nga napetsahan Septyimbre 26, 2017.
Kasunod ini sang nabaton nga report sang Provincial Special Operation Group Team 3 sa pagpamuno ni Chief Insp. Charlie Sustento, hepe sang Ajuy PNP, nga nagahupot sang mga pusil ang barangay kapitan kaangay sang duha ka mga unit sang M16 rifle, isa ka unit sang KG 9, isa ka unit sang 12 gauge shotgun, isa ka unit sang caliber .45, isa ka unit sang caliber .357, isa ka unit sang 38 revolver, kag hand grenade.
Pero ang narekober lang sang tropa ni Sustento kag sang Sara PNP sa pagpamuno ni Senior Insp. Gilbert Baldevarona sa paghinakop ni Agutaya amo ang isa ka unit sang 9mm pistol, duha ka magazine, 29 ka mga bala, tatlo ka magazine sang M16 rifle, kag duha ka holster.
Pero wala man gin-aresto ang kapitan bangod may ginpakita sa kapulisan nga dokumento sang iya 9mm pistol.
Depensa pa ni Agutaya nga nadula ang iya M16 rifle sang nagwaswas ang super typhoon “Yolanda” sadtong 2013 apang subong nga bulan lamang ginpa-blotter ang insidente.
Sa interbyu naman sang mga katapo sang media kay Sustento, ginsiling sini nga nakabaton sila sang impormasyon nga may labot sa crime group ilabi na sa Sara ang kapitan kag masami makit-an nga kaupod ang mga identified personalities sa Sara.
Ini nga mga identified personalities ang padayun man nga gina-monitor nanday Sustento bangod sang gina-alegar pag-operate sa quinto distrito./PB
[/av_textblock]
[/av_one_full]
