[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Tuesday, October 3, 2017
[/av_textblock]
[av_textblock size=’18’ font_color=” color=”]
PROUD to be Ilonggo! Ini ang may dungog kag bugal ko nga ihambal sa sin-o man nga mamangkot kun ano ang akun balatyagon bilang Ilonggo.
Huo, masakit ang mga tinaga nga ginbungat ni President Rodrigo Duterte batok sa Iloilo. Shabulized kuno ang Iloilo pero wala man sang kaangay nga tinaga. Bedrock of drugs kuno ang Iloilo pero wala man sila sang ebidensya. Protector kuno ang alkalde sang syudad pero wala man ginpakita ang balasehan.
Sa pihak sining mga negatibo nga bansag sa Iloilo, indi malikawan nga makabatyag ako sang kasakit. Immaterial na sa akun kun sin-o man nga tawo ang ginayawyaw sang President. Pero may bili sa akun kun ang kamatuoran na ang hambalan.
Bilang isa ka Ilonggo nga nagpuyo diri sa syudad sang Iloilo halin sadtong 1996, masiling ko wala sang lugar kaangay sang Iloilo kun katawhay kag kalinong ang hambalan. Bilang isa ka residente nabatyagan ko kon ano ang matuod nga sitwasyon sa akun syudad. Gani wala ako nagapati sa mga pagpangguba nga tinaga nga ginabansag nila sa Iloilo.
Kun magbasa ka sa Facebook kag id-iron mo gid basa ang mga posts sang iban nga tawo batok sa syudad, maathag nga may mga intereses man ini nga mga tawo. Ini sila ginalakipan sang abogado nga anay opisyal man sang syudad, abogado nga maalam man apang sang nagkandidato, lampaso man sang kontra.
May ara man gani nga gusto buhion ang dynasty sang ila pamilya sa syudad. Matuod nga may iban man nga independent ang ila paminsaron. Wala sila sang huyog sa politika pero mahimo nadala lang sila sa opinion man sang iban.
Akon bugal ihambal nga Ilonggo ako. Ini bangud nga nahibaluan ko kun ano ang kamatuuran. Ang akun panindugan wala sang personal nga interes. Indi kaangay sang iban nga nagakontra sa syudad para lang matalupangdan kag basi mahatagan pwesto sa gobyerno.
Ang malain sa Iloilo kay ang mga politiko nga nalutos ukon maluyag magbalik sa politika amo ang masabad kag magahod. Mansig lang sila promote sang ila kaugalingon nga interes. Abi pagli-li-a man ang sulod sang imo dughan kag konsensya. Basi nabulagan ka na sang imo personal nga handum kag kabuganaan.
Basta ako, bugal ko ang mangin Ilonggo! (jpranco1975@gmail.com/PN)
[/av_textblock]
[/av_one_full]
