Checkpoint ginpabakud vs riding-in-tandem

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Checkpoint ginpabakud vs riding-in-tandem ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=” color=”]

Syudad sang ILOILO – Ang labi nga pagpasangkad sang checkpoint operations sa mga dalanon ang nakit-an nga solusyon sang Police Regional Office (PRO) 6 para mapunggan ang pagsalakay sang riding-in-tandem nga mga criminal sa bug-os nga rehiyon ilabi na sa sining syudad.
Nahibaluan nga sining damlag lang, asud-asod ang pag-atake sang riding-in-tandem sa syudad kon sa diin duha na ka lalaki ang napatay.
Luwas sa checkpoint, ginpangabay man sang PRO-6 ang publiko nga magbulig sa ila paagi sa pagpadala sang mensahe paagi sa text kon may mamutikan nga makaduloda nga presensya sang tawo sa ila palibot.
“We encourage the general public to immediately report any presence nga makaduloda through our info techs. May yara kita info techs nga ginpatigayon para mapadali naton ang aksyon,” siling ni Gorero.
Nagakahangawa man ang PRO-6 nga posible sakyan sang iban nga mga kriminal ang modus sang riding-in-tandem kag pati mga inosente ang madalahig pa.
Sa rekord sang PRO-6, 35 na ka mga kaso sang pagkapatay ang ila gina-imbestigaran humalin nga ginpasangkad ang kampanya kontra ilegal nga droga.
Sa 35, lima diri ang kumpirmado nga may labot sa ilegal nga droga samtang lima naman ang ginadudahan. Ang nabilin naman nga 25 ang klaro nga wala sang labot sa ilegal nga droga.
Ang duha naman nga ulihi nga ginpatay sang riding-in-tandem sa syudad ang ginadudahan nga may labot sa ilegal nga droga.
Matandaan nga si Joemarie Arroyo ang ginpatay sang riding-in-tandem sa Barangay San Pedro, Molo sang Martes sang gab-i samtang si Wensher Caravana, 20, sang Brgy. Gustilo, La Paz ang ginpatay man sang naga-angkasanay sa motor sang Miyerkoles sang gab-i.
Luwas sa PRO-6, nagpabutyag man sang pagka-alarma si Mayor Jed Patrick Mabilog sa pagsalakay sang riding-in-tandem.
Gani ginmando sang alkalde sa Iloilo City Police Office nga kilalahon insigida ang mga suspek paagi sa pagpahulag sa intelligence group kag pagpasangkad sang police operations./PB

[/av_textblock]

[/av_one_full]

LEAVE A REPLY

Please enter your comment!
Please enter your name here