[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’CIRCUS SA JARO PLAZA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 5, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Nagpuas na ang kagutok, nagtawhay na ang ilig sang trapiko kag nagbalik na sa normal ang pagsinarayo sang mga taga Distrito sang Jaro.
May nabilin pa nga mga sud-an nga wala masasa sang mga nag-abot nga mga bisita. May yara sang liwat nga ginatimpla agud nga mapuslan kag indi mahaboy sa dalamugan.
Kon imo lantawon ang palibot sang Jaro Plaza, nagapabilin pa ang mga kiosko nga ginpahamtang sa kilid sang dalan nga naghimakas nga makabawi sang ila kagastohanan kag kahul-anan bangod tuman ka pigado ang lakat sang ila negosyo.
Nagapabilin man ang mga baligyan sang tanom sa sulod sang Jaro Plaza kag nagahawat-hawat nga mabaklan kag makaginansya.
Isa lang ang ila ginapaminsar, kon sa masunod nga tuig liwat sila nga magapaadbenturar sa pagnegosyo sa plaza sang Jaro kag kon may garantiya nga mangin paborable sa ila negosyo.
Madamo sang lalantawon sa Jaro plaza nga tubtob sa karon ginabantayan kag ginakakunyagan kaangay sang peryahan nga nagapadungol kag daw ginalikawan sang mga otoridad nga matapna ang pasugal nga madata.
Makapila ka beses na nga ginpadulongan sang mga katapo sang media ang isa ka bahin sang lugar nga ginatabonan sa luyo sang kampanaryo, madamo sang mga parokyano ang nagadaginot sa pagsulod kag nagapatad sa pasugal nga pilit nga ginalikom apang maathag nga nagapadayun.
Nangin inutil ang Jaro Police Station sa pagtapna sang pasugal sa pasuni nga kilala na sang nagapasugal ang ila mga intelligence operatives rason nga nabudlayan sila nga magdakop.
Kasadya kag makahalam-ot ang rason sang ila hepe, nadulaan na sia sang husto kag positibo nga pamaagi agud matapna ang ilegal nga pasugal nga ginahiwat sa luyo sang kampanaryo kag nagaatubang pa sa katedral kag mismo sa panampad sang milagroso nga estatwa sang patron sang Jaro.
Dapat nga hatagan atensyon sang Iloilo City Police Office ang aktwasyon sang ila hepe sa Jaro, lantawon ang iya kahinaan kon ngaa wala sia sang may mahimu sa nagakatabu nga pasugal kag dapat aktohan agud nga madisiplina kag indi na pagpamarisan sang iban.
Sa bahin sang iban nga mga isyu, dapat sadto pa nagpasaka na sang kaso ang mga nagareklamo kon ngaa nagpahamtang sang kiosko sa gwa sang Jaro plaza.
Kon nagapati sila nga may sayop ang city government, dapat sadto pa nag-akto na sila kag wala na ginhulat nga maglampuwas ang piyesta.
Padayun man bala sila nga nagatuon, ukon ila pa nga ginatuon kon diin magasentro ang ila argumento?
May ginahulat pa bala nga patimaan antes ang asunto hatagan sang katumanan? Pila ayhan ka adlaw ang dapat nga hulaton? Ano ayhan ka damol sang papel ang dapat nga angkunon? Kinahanglan pa bala nga may magakumpas agud nga ang kaso ang ipasaka na?
Madamo sang palamangkutanon nga nagatuhaw samtang nagalakat ang inadlaw. May gana pa ayhan sila nga magpasaka sang kaso kon makakas na ang kiosko?
Kaangay sang isa ka circus, ang tinaga naglumpat pasaka, nagbutyog kag nagtiyog, nag-amat-amat hulog apang ginsalo antes magtupa sa duta.
Maduagon kag masadya ang nagakatabu nga circus sa Jaro Plaza./PB
[/av_textblock]
[/av_one_full]
