[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ ‘Closed season’ sa Visayan Sea umpisa Nob. 16 ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Sa sulod sang tatlo ka bulan umpisa Nobyimbre 16, 2017 tubtob Pebrero 16, 2018, ipatuman sang Bureau of Fisheries and Aquatic Resources (BFAR) 6 ang “closed season” sa Visayan Sea nga ginabug-osan sang mga probinsya sang Cebu, Masbate, Iloilo, kag Negros Occidental
Nagakahulogan nga ginadumilian sa sulod sang tatlo ka bulan ang mga manogpangisda nga magkuha sang tatlo ka mga species ukon sahi sang isda nga ginalakipan sang tabagak, guma-a kag mackerel.
Eksplikar ni Director Remia Aparri sang BFAR-6, ang pagpatuman sang closed season sa Visayan Sea ang nakasaad sa Fisheries Administrative Order 167-3.
Lakip naman sa mga ahensya sang gobyerno nga may papel sa mando ukon sakop sang mando amo ang Philippine National Police, Philippine Coast Guard, Philippine Navy, municipal fisher folks, commercial fishers, kag iban pa nga mga stakeholders nga nagabulig sa BFAR-6.
Luwas sini, ginapanugyanan man ang mga manogpangisda nga indi pagkuhaon ang mga lupoy sa sulod sang tatlo ka bulan para magdamo para mas madamo man ang ila makuha pagkatapos sang closed season.
Matandaan nga sadtong Hulyo 22 kadungan sang ika-sian nga Visayan Sea Summit sa isla sang Sicogon, Carles, Iloilo nagpirma man sang covenant of commitment and cooperation ang apat ka mga probinsya kaupod ang BFAR-6 sa tuyo nga amligan, proteksyonan kag mapadamo ang mga isda kag pakinhason sang Visayan Sea./PB
[/av_textblock]
[/av_one_full]