[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’CUSTOMS BROKER NAKUHAAN MGA PUSIL, SHABU ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Na-aresto sang mga pulis ang gina-alegar Customs broker nga ginakabig high-value target (HVT) nga drug personality tion sang operasyon sang kapulisan sa Barangay Palaypalay, Anilao, Iloilo alas-4:30 sang kaagahon kahapon.
Ang subject sa operasyon ginkilala nga si Raffy Lagamon, legal ang edad, kasado kag residente sang amo nga barangay.
Sunu kay Senior Insp. Jess Baylon, hepe sang Anilao PNP, bitbit ang search warrant sa pagbayolar sang RA 10591 kag RA 9165 nga gin-apply nila sa opisina ni Hon. Judge Rogelio Amador, ginkadtoan nila ang balay ni Lagamon kaupod ang puersa sang Regional Intelligence Division, Regional Public Safety Battalion kag Public Infantry Battalion.
Lakip sa narekober kay Lagamon amo ang:
- granada,
-
M16 rifle,
-
9MM,
-
22 caliber revolver, kag
-
11 ka mga plastic sachets sang ginapasuni shabu.
Nag-gwa man sa report ni Baylon nga si Lagamon madugay na nila na-monitor nga may ginahupot nga pusil kag ginapasuni nga nagapalupok pa.
Nakabaton man sang impormasyon si Baylon nga HVT sang Iloilo City Police Office si Lagamon kag naga-obra bilang Customs broker subongman gina-alegar ini nga sub-group leader ni anhing Richard Prevendido alyas “Buang.”
Luwas kay Lagamon, na-aresto man sa kasubong nga operasyon ang iya bilas nga si Rommel Sumayo nga narekoberan sang 9mm pistol nga ginapasuni wala sang lisensya.
Ginapahayag pa nga bodyguard ini ni Board Member Domingo Oso sang cuarto distrito sang probinsya sang Iloilo.
Samtang ginasulat ini nga balita, sanday Lagamon kag Sumayo nahunong na sa karsel sang Anilao PNP./PB
[/av_textblock]
[/av_one_full]