[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Dalaga ginhimuslan na, ginpatay pa ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala na sang kabuhi sang nasapwan nga nagalutaw-lutaw sa sapa ang 19-anyos nga dalaga nga ginapatihan ginhimuslan antes ginpatay sa Barangay Felisa, Syudad sang Bacolod alas-8:30 sang aga kahapon.
Ginkilala ang biktima kay Hilhary Baynosa y Esparas sang Purok Paho, Sayson Village, Brgy. Felisa.
Sa imbestigasyon sang Bacolod City Police Office, ulihi nga nakit-an nga buhi ang biktima sadtong Huwebes sang gab-i sa kamalig sa likod sang Felisa High School kon sa diin naga-inom-inom ang mga persona nga ginkilala kanday Moryo Dumduman, Anthony Dumduman, Rolin Flores, Rafael Cananan, Alvin Ortillo, kag Romeo Palma.
Pero kahapon sang aga, nabalitaan nga nasapwan na lang nga patay ang biktima sa sapa sa likod sang eskwelahan sa diin ang iya lawas ang halos masul-ob na sang tubig luwas gid lang sa ulo kag tuo nga kamot sini.
Natukiban man nga wala na sia sang ginasuksok nga short, bra kag panty. Ang nagatabon gid lang sa lawas sini amo ang ginasuksok nga t-shirt.
Ginapatihan nga posible ginhimuslan ang biktima pero indi pa madeterminar sang kapulisan ang suspek ukon mga suspek.
Natalana man nga ipaidalom sa autopsy examination ang bangkay para mabal-an ang gintunaan sang kamatayon sini./PB
[/av_textblock]
[/av_one_full]
