[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGITA BIKTIMA SANG ’ONLINE’ BUGAW ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Arestado ang nobyo nga ginapasuni naghimulos sa 14-anyos sini nga nobya kag nagabaligya online sang hublas nga laragway sining dalagita, kag ang iya bayaw nga kahimbon niya sa pagbugaw sang nagligad nga Miyerkoles.
Sa interbyu sang Panay Balita kay Chief Inspector Charlie Sustento, hepe sang Ajuy PNP, ginpasaka na kahapon sang hapon ang kaso nga qualified human trafficking kontra sa nobyo ni Nene (indi matuod nga ngalan) nga si Raffy Zamora, 29, sang Brgy. Culasi, Ajuy kag kahimbon nga bayaw sini nga si Jurry Arcenal sang Poblacion, Janiuay. Dugang pa gid nga kaso nga rape ang gina-atubang ni Zamora.
Sunu pa kay Sustento, nagreport sa ila istasyon ang iloy sang dalagita nga wala ini makapauli sang nagbisita sa patyo sang Ajuy, Iloilo sang Nob. 1 kag ginapatihan nila gin-abduct sang iya nobyo.
Ginpangita sang Ajuy PNP ang dalagita tubtob nga sang Nob. 2, nakabaton sila report nga nagalapta na ang hublas nga laragway sang dalagita sa Facebook.
“Nagreport sa amon ang nanay nga Nov. 1 allegedly gin-abduct ang iya bata. Amo to ginpangita namon tubtob nga gab-i wala gid. Nov. 2 may naka-inform sa amon sa Facebook nga gin-upload iya pic nga naked. Dason gin-transaction sang suspect ang friend sang victim nga if mag-uba sia, taw-an sia sang kwarta,” saysay ni Sustento.
Pahayag pa sang hepe nga samtang yara sa patyo si Nene, puersa ini nga ginpasakay sa motorsiklo sang mga suspek kag gindala sia sa balay ni Arcenal.
Dugang pa ni Sustento nga ginpilit ni Zamora nga makighilawas sa iya ang biktima kag ginkuhaan ini sang mga laragway nga hublas kag iya ini gin-post mismo sa Facebook account ni Nene.
Diri na kag ginkasar ang entrapment operation batok sa mga suspek kag nakig-transaksyon diri ang mga pulis tubtob nga naghisugot sila nga makit-anay sang Miyerkoles sang hapon sa Brgy. Tagbak, Jaro nga ginkabangdan sang pagkadakop sang mga suspek.
Natigayon man nga makuha sang kapulisan ang dalagita sa mga ini.
Dugang pa sang hepe nga ginabugaw ni Zamora ang dalagita sa kilala sini nga seaman sa gwa sang pungsod paagi sa social networking site.
Kag ang seaman amo naman ang nagabaligya sang mga laragway sang biktima sa mga turista sa gwa sang pungsod.
Kumpirmado man nga may laceration sa kinatawo sang biktima sang ginpa-check-up sa doktor rason nga gindugang ang kaso nga rape kontra kay Zamora.
Sa karon, ang mga suspek priso na sa karsel sang Ajuy PNP para sa nagakaigu nga disposisyon sang ila kaso./PB
[/av_textblock]
[/av_one_full]
