[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGITA GIN-AKIGAN, NAGHIKOG ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nasapwan na lamang sang iya amay ang 16-anyos nga dalagita nga nagakabit sa ila balayan mga alas-nueve y medya ang takna sang aga sang Martes sa Purok Kalanga-an, Brgy. Paticui, Hinigaran, Negros Occidental.
Ginkilala sang mga otoridad ang biktima nga si Jenelyn Samulde Malino, grade 11 student sa isa ka buluthoan sa banwa.
Sunu sa imbestigayon sang kapulisan, mga alas-siete sa aga sang Martes antes maghalin ang amay pakadto sa uma, gin-akigan sini ang biktima kag ginhambalan indi magpadungol kag magbinutig.
Sa iya pagbalik, daku ang iya kakibot sang makita ang anak nga nagakabit na sa balayan sang ila balay nga wala sang kabuhi. Nylon nga kalat ang gamit sang biktima nga iya ginhigot sa iya liog.
Gihingagaw pa dala ang dalagita sa Ignacio Arroyo, Sr. Memorial District Hospital sa banwa sang Isabela apang ginlawag ini sang doktor nga wala na sang kabuhi pag-abot didto.
Sunu pa sa report nga daku ang paghinulsol sang amay kon ngaa amo yadto ang iya ginhambal sa iya anak nga ginbatyag gid sang naulihi./PB
[/av_textblock]
[/av_one_full]
