[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGITA GIN-ANOD SANG BAHA ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang dalagita matapos nga gin-anod sang tubig-baha sa Barangay Coyugan Norte, Leon, Iloilo alas-3:30 sang hapon kahapon.
Ginkilala ang biktima kay Lanie Rose Cabanero, 14, kag tumandok sang Barangay Agta, Leon.
Sandig sa report sang Leon PNP, samtang nagatabuk nga isahanon sa suba ang dalagita para magpauli sa ila balay, gin-anod sang tubig-baha ang iya nga payong.
Pero imbes nga buy-an ang payong, ginhugtan pa sang dalagita ang pag-uyat diri rason nga pati sia nadala sang tubig-baha tubtob nga narekober ang lawas sini sa Brgy. Coyugan Norte nga wala na sang kabuhi.
Sunu pa sa Leon PNP nga bisan nag-untat na ang pagbubo sang mamunog nga ulan sa banwa sang Leon kahapon sang hapon, nagapabilin nga mabaskug ang daludo sang tubig halin sa bukid pakadto sa suba.
Sa advisory naman sang state weather bureau PAGASA alas-11 sa aga kahapon, bisan gapalayo kag indi mag-landfall sa Pilipinas ang bagyo “Paolo,” tama ka lapad sang diameter gani nga ang iya outer rainbands mabatyagan pa sa iban nga parte sang pungsod.
Kasunod sini, ginpaandaman sang PAGASA ang Bicol, Mimaropa kag Visayas nga mag-alerto bangod sang moderate to heavy rain nga mahimu makatuga sang flash floods kag landslides./PB
[/av_textblock]
[/av_one_full]
