[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Delivery van nahulog sa kanal ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Pagpalanakit sang lawas ang naagom sang duha ka lalaki matapos nga natumba ang ila ginasakyan nga Isuzu aluminum delivery van sa circumferential road sa Barangay Buhang, distrito sang Jaro alas-8:12 sang aga kahapon.
Ang van nga ginapahayag nagakarga sang sigarilyo ginamaneho ni Arnold Edong y Albacete, 24, kag residente sang Brgy. San Antonio, San Enrique, Iloilo kag upod niya si Alex Barredo Jr. y Flores, 28, kasado kag residente sang Brgy. Bolilao, Mandurriao sang sini nga syudad.
Sandig sa rekord sang Traffic Investigation and Enforcement Unit, mapadulong na kontani ang van sa direksyon sang Brgy. Tacas, Jaro sang ginapasuni nadulaan sang kontrol ang drayber sa pagmaneho rason nga nagliso sa tuo ang iya salakyan, nakabunggo sa tuo nga shoulder sang dalan kag nagdiretso hulog sa kanal.
Bangod sini, nagkalaguba ang windshield, atubang kag wala nga bumper kag atubang nga headlight sang van.
Nagreklamo naman sang pagpalanakit sang ulo kag tuo nga tuhod si Edong samtang minor nga samad sa wala nga tuhod kag ulo ang naangkon ni Barredo nga lunsay ginpangdala sa QualiMed Hospital Iloilo./PB
[/av_textblock]
[/av_one_full]
