[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DILG-6 napuhag sang bomb threat ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Napuhag ang mga empleyado sang Department of Interior and Local Government (DILG) 6 sa Barangay Fort San Pedro, City Proper matapos nga nakabaton sang pamahog nga may magalupok nga bomba sa ila opisina kahapon sang hapon.
Sandig sa report sang Police Precinct 1, may nagpadala sang mensahe paagi sa email sang isa ka empleyado sang DILG-6 nga may isa ka envelope sa file cabinet nga may unod nga bomba kag magalupok bisan ano oras.
Gilayon man nga ginpahibalo sang DILG-6 ang hitabo sa mga otoridad rason sang madasig nga pagresponder sang Explosives and Ordnance Division, Special Weapons and Tactics team kaupod ang K9 unit.
Samtang padayun ang pagsekyar sa palibot, ginpagwa temporaryo ang mga empleyado sang DILG-6 sa ila opisina para masiguro ang ila kaluwasan.
Makaligad ang pila ka minutos, nangin negatibo ang pag-usisa sang mga otoridad kag wala sang nakit-an nga bomba.
Samtang ginasulat ini nga balita, ginahibalo pa sang pamunoan sang DILG-6 kon sin-o ang responsable sa pagpahog sa ila./PB
[/av_textblock]
[/av_one_full]
