[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Dinagyang Festival 2018 gindayaw’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 29, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Puno sang pagdayaw ang mga Ilonggo subongman mga bisita nga ginalakipan sang dalagku nga mga personalidad sa politika sa performances sang mga tribu nga nagpasakop sa Kasadyahan Festival kag Ati Tribes Competition sang Dinagyang Festival 2018 sang Sabado kag Domingo.
Sa labing una nga pagsaksi ni Cong. Karlo Nograles sang first district sang Syudad sang Davao sa Ati Tribes Competition kahapon, nagdayaw kag nagbilib ini sa mainit nga pagtuo kag pagpasalamat sang mga Ilonggo sa mahal nga patron nga Santo Niño.
“First time to experience Dinagyang. Very enjoyable. Alam niyo etong ginagawa ninyo devotion kay Santo Niño nakakahanga. Bilib talaga ako,” siling ni Nograles.
Para man sa kongresista nga mas matahum ang Dinagyang Festival kon ikumparar sa Sinulog Festival sang Cebu kag Ati-atihan Festival sang Kalibo, Aklan bangod nga mas maduagon kag masadya ang pagselebrar sang mga Ilonggo.
“Alam ako mayroon tayo sa Cebu, Kalibo pero iba talaga dito sa Dinagyang, very festive. Alam ko ang Dinagyang came from the root word na dagyang, merry making. So, napakasaya,” dugang ni Nograles.
Namutikan man sang kongresista nga mainit nga ginabaton sang mga Ilonggo ang mga bisita rason kon ngaa ginadagsa gid ang Dinagyang.
Sa bahin ni Senador Cynthia Villar, bilib man sia sa pagselebrar sang mga Ilonggo sang Dinagyang bangod nga nakalab-ot na ini sa 50 ka tuig.
“I’m very happy to be here for the golden anniversary of Dinagyang Festival. Ako kasi hindi ko inabot na ang early Dinagyang. When they said its 50th year I was so surprised because 50 years is so long,” hambal ni Villar.
Isa sa nagpadayaw sa senadora amo ang matahum nga pagsaot kag maduagon nga costume sang mga tribu subongman ang kadamuon sang mga estudyante nga nagapasakop sa kada tribu. Nagalaum man ini nga sa pila ka adlaw masunod ini sang Syudad sang Las Piñas kon sa diin may yara man sila sang water lily kag parole festivals.
Wala man nagpa-ulihi sa pagpanginbulahan sa syudad kag probinsya sang Iloilo si Presidential Spokesperson Atty. Harry Roque nga nagsaksi man sa Dinagyang.
Ginpanginbulahan ni Roque ang mga opisyales sang syudad kag probinsya sang Iloilo nga nagbuligay para mangin madinalag-on ang Festival.
“Congratulations to the province and city of Iloilo for the 50th year of Dinagyang,” siling sini.
Sa bahin naman ni Senador Jinggoy Estrada, sunu sa iya: “First time to attend to celebration but it’s nice to be back to Iloilo after several years. Ilang taon akong hindi nakalabas. Masaya ako na nakabalik sa Iloilo.”/PB
[/av_textblock]
[/av_one_full]