[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ DRAYBER GINPATAY SANG SOLTERITO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginbawian sang kabuhi ang drayber sang traysikol matapos nga gintiro sang minor de edad nga suspetsado sa Dalan San Pedro, Janiuay, Iloilo alas-10:40 sang aga kahapon.
Gindeklarar nga patay ni Dr. Karelle Mon Tomenlaco sang Janiuay District Hospital alas-11:15 sang aga ang biktima nga si Ricardo Umadhay y Viejo, 65, kasado kag residente sang Brgy. Don Lutero West, Janiuay, Iloilo. Nakaagom ini sang patal nga pilas sa dughan nga naglapus sa wala nga porsyon sang iya likod.
Ginatudlo naman nga suspetsado si alyas Vince, 16, kag residente sang Brgy. Aglobong, Janiuay.
Sandig sa imbestigasyon ni Senior Insp. John Paul Guay, hepe sang Janiuay PNP, nagamaneho sang traysikol si Umadhay sa Dalan San Pedro sang hinali lang sia nga ginyudyod sang suspetsado kag gintiro gamit ang 12 gauge shot gun.
Sunu pa kay Guay nga sang napat-od sang suspetsado nga naigu sini ang biktima, madasig sia nga nagdalagan palayo bitbit ang pusil.
Narekober naman sang Janiuay PNP sa ginluntaran sang krimen ang 12 gauge homemade short firearm nga may isa ka bala kag 13 pulgada nga patalom.
Personal nga hiligut-anon ang ginasundan sang kapulisan nga motibo sang krimen kag padayun pa ang ila imbestigasyon diri kag pag-ayam sa suspetsado samtang ginasulat ini nga balita./PB
[/av_textblock]
[/av_one_full]