[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DUELO SA NEGROS: 1 PATAY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Isa patay kag isa man ang pilason sang nag-duelo sa patalom ang duha ka lalaki sa relocation site sakop sang Brgy. 21, Syudad sang Victorias, Negros Occidental mga alas-8:45 sang Miyerkoles sang gab-i.
Sunu kay Superintendent Herman Garbosa, hepe sang Victorias City PNP, ang biktima nakilala nga si Norberto Kening alyas “Wangyu,” 37, soltero kag naga-istar man sa amo nga lugar.
Nakaagom ini sang madamo nga mga pilas sa lawas nga nagresulta sang iya kamatayon sang gindala na sa Ikaayong Lawas Foundation Incorporated.
Ginkilala naman ang suspek kay Roberto Castello Aban, 59, may asawa kag residente sang amo man nga barangay. May pilas man ini kag gindala man sa nasambit nga balay-bulolngan apang ginliton sa Teresita Jalandoni Memorial Provincial Hospital.
Sandig sa imbestigasyon sang mga pulis, nagalantaw sang TV ang suspek sa gwa sang balay ni Nemea Tolosa sang mag-abot ang biktima kag ginpagita ang iya patalom.
Mation-tion, sunu pa sa mga pulis, ang biktima nagtupad sa suspek kag nagpabati-bati nga “Dugay niya na ko ni gusto tumbahon.”
Sang hinali pa, ginbunu sang suspek ang lamesa kag didto na nagluntad ang ginamo kag nag-agaway sang patalom ang biktima kag suspek.
Ginapasuni nga ginbunu sang biktima ang suspek apang nakadalagan ang naulihi kag nagpauli. Pagbalik sini, may dala na nga patalom kag ginbunu man ang biktima./PB
[/av_textblock]
[/av_one_full]
