[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DUROGISTA GINTIRO-PATAY SA POTOTAN ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginbawian sang kabuhi ang ginapasuni durogista matapos nga nagbatu sa mga pulis nga nagkasar sang buy-bust operation sa Barangay Jamabalud, Pototan, Iloilo alas-11:45 sang aga kahapon.
Dead-on-the-spot ang subject sa operasyon nga si Joven Castroverde alyas JR, legal ang edad kag residente sang Brgy. Dalid, Calinog, Iloilo.
Sa interbyu sang Panay Balita kay Senior Inspector Bonifacio Alabe Jr., hepe sang Pototan Municipal Police Station (MPS), nagtransaksyon ang iya tinawo nga nagserbe nga poseur buyer nga mabakal sang duha ka plastic sachets sang shabu balor P1,500 kay Castroverde.
Nagsugot man dayon ang subject nga makit-anay sila sang poseur buyer nga pulis sa Barangay Catoogan, Pototan pero nagbag-o ang pinsar sini kag naghambal nga sa Brgy. Jamabalud na lang sila makitaay.
Nagpadulong man sa lugar ang tropa ni Alabe kag didto natigayon ang transakyon. Matapos nga gindaho sang subject ang duha ka sachets sang gina-alegar shabu sa poseur buyer, nagpakilala na nga pulis ang naulihi rason nga gulpi lang nag-gabot sang kalibre.45 nga pusil ang subject pero nagsangal ang pusil sini rason nga wala naglupok.
Diri naman kag nakakita sang kahigayonan ang mga pulis nga sipaon ang Kawasaki nga motorsiklo ni Castroverde para matumba kag amo man ang pagpalupok sang mga pulis nga ginkabangdan sang kamatayon sang subject.
“Pagpakilala sang aton nga tropa nga pulis didto nga nagbunot sia sang .45. So, maayo lang kay wala sia nagpanaog sa iya motor. Nakapalupok gani sia amo to nga napilitan ang tropan nga magbalos,” hambal pa ni Alabe.
Narekober naman sa paghinakop ni Castroverde ang isa ka bulto sang ginapasuni shabu balor P20,000, marked money, motorsiklo, .45 nga pusil, kag lima ka mga bala.
Gintuad man ni Alabe nga luwas sa subject, gindakop man nila ang kahimbon sini nga si Jessica Celda y Sumido, legal ang edad, kag residente sang New Lucena, Iloilo nga amo ang gina-alegar naghatag sang suplay sang droga sa napatay.
“Probably ang babaye ni amo ang nagadala sa ila sang items,” dugang ni Alabe.
Nag-gwa man sa pag-imbestigar ni Alabe nga si Castroverde ang madugay na nila nga ginabantayan bangod nga may kaso ini nga robbery hold-up sa Calinog kag Dingle.
Pero sang nag-init ang paglagas sang mga otoridad diri, nagbag-o ini sang modus kag nagsulod na sa pagbaligya sang droga kon sa diin ang sakop sini amo ang Calinog, Dingle kag Pototan, siling sang hepe sang Pototan PNP.
Natukiban man nga ang magulang sini ang nadakpan man sa buy-bust operation sang tinalikdan nga binulan.
“Suspek ni ang aton subject sa robbery hold-up sa Calinog kag Dingle. Pero subong nagsulod na sia sa pagbaligya sang droga. Ang iya utod nadakop man sa buy bust sa Calinog,” kumpirmasyon ni Alabe.
Sa karon naman, ginahanda na sang Pototan PNP ang kaso nga pagbayolar sang Section 26 (conspiracy) sang RA 9165 ukon Comprehensive Dangerous Drugs Act of 2002 kontra kay Celda./PB
[/av_textblock]
[/av_one_full]
